Жиі қойылатын сұрақтар
Келісімшарт негізінде әскери қызметке қабылдау Қазақстан Республикасының «Әскери қызмет және әскери қызметшілердің статусы» туралы Заңның 38-бабындағы мына талаптар бойынша жүзеге асырылады:
1) Қазақстан Республикасының азаматы болу;
2) Жасы он тоғыздан кем болмауы тиіс (курсанттарды есептемегенде), сондай-ақ осы Заңмен бекітілген әскери қызметті өткерудің шектеулі жастан (әскери шеніне байланысты) бес жыл кем жастан аспауы керек;
3) Әскери лауазымына сәйкес әскери-тіркеулі білімі болуы керек;
4) Қысқа мерзімді әскери қызметті өткерген болуы керек немесе жоғары орнының әскери кафедрасын тәмамдаған болуы тиіс, сонымен қатар Қорғаныс министрлігінің әскери резервін (әйелдерден бөлек) дайындау бойынша арнайы мекемелерінде әскери даярлықтар өткен болуы қажет.
Егер Сіз жоғарыда көрсетілген Заң бабының барлық талаптарына сай келсеңіз, онда Қазақстан Республикасы Ұлттық ұланының тұрғылықты жеріңізде орналасқан немесе өзіңізге ыңғайлы әскери бөлімдеріне бос орындар болған жағдайда келісімшарт негізінде қызметке орналасу бойынша өтініш білдіре аласыз.
ҚР «Тұрғын үй қатынастары туралы» Заңының (2017 жылғы 12 желтоқсандағы Қазақстан Республикасы Заңымен өзгерістер мен толықтырулар енгізілген) 101-2 бабы 6 пунктіне сәйкес, әскери міндеттерін атқару барысында зардап шеккен (жарақат, жара, ми шайқалуы) немесе ауру тапқан, осы себепті әскери-дәрігерлік комиссия шешімімен әскери қызметке жарамсыз деп танылған әскери қызметшілерге әскери тізімнен шығарылған кезде тұрғын үй төлемдері бір реттік қаржылай компенсация ретінде бірге беріледі. Бұл норма 2018 жылдың 1 қаңтарынан қызметтен денсаулығына байланысты босатылған әскери қызметшілерге ғана тиесілі. Сондай-ақ, Қазақстан Республикасының «Әскери қызмет және әскери қызметшілердің статусы» туралы Заңының 51 бабы 3 пунктіне сәйкес келісім шарт негізіндегі әскери қызметшіге әскери-жауынгерлік міндеттерін өткеру кезеңінде сырқаттануы, жарақат алуына байланысты мүгедектік тағайындалған жағдайда қызметтен босатылған күннен бастап бір жылға дейін: 1) І топ мүгедегіне – отыз айлық көлеміндегі қаржы; 2) ІІ топ мүгедегіне – он сегіз айлық көлеміндегі қаржы; 3) ІІІ топ мүгедегіне – алты айлық көлеміндегі қаржы төленеді.
Бұйрық бойынша Сізге тұрғын үй төлемдері бекітілген. Бірақ, қазіргі уақытта қаржының тапшылығына байланысты төлемдерді өтеу мүмкін болмай тұр. Тиісті қаржы бөлінген бойда Сізге бір реттік тұрғын үй төлемдері беріледі.
ҚР «Әскери қызмет және әскери қызметшілердің статусы» туралы Заңына өзгерістер мен толықтырулар енгізілуіне байланысты, 2017 жылдың 26 маусымынан бастап мемлекеттік немесе әскери қызметтен, мемлекеттік арнайы органдардан, құқық қорғау органдарынан, соттар мен әділет органдарынан теріс қылығы үшін қызметтен босатылған тұлғаларды келісімшарт негізінде әскери қызметке қабылдауға заңнамалық тұрғыда тыйым салынған. Осының негізінде, ҚР Ұлттық ұланы Сізді қызметке қабылдаудың мүмкін еместігін хабарлайды.