Мемлекеттік аудиторлар мен ассистенттерге арналған техникалық оқу: Болашақ сынақтарға дайындық

Экономикалық ортаның тұрақты өзгеруі және мемлекеттік органдардың ашықтығы мен жауапкершілігіне қойылатын талаптардың артуы жағдайында тиімді аудит және қаржылық бақылау бұрынғыдан да өзекті болып отыр. Мемлекеттік аудиторлар үшін техникалық оқу жүргізу олардың кәсіби өсуін және жаңа сынға бейімделуін қамтамасыз етудегі маңызды қадам болып табылады. Осыған байланысты 2024 жылғы 25 қыркүйекте Сапаны бақылау басқармасы Қызылорда және Жамбыл облыстарының ІМАД қызметкерлерімен техникалық оқу өткізді.

Оқыту аудиторлық рәсімдерді тиімді орындау үшін қажетті практикалық дағдыларды дамытуға бағытталған. Оқу барысында мемлекеттік аудиторлар мен ассистенттер мемлекеттік аудит және қаржылық бақылау жүргізу нормаларының, қағидалары мен әдістерінің жаңа талаптары туралы ақпарат алды. Сондай-ақ, қатысушылар нақты жағдайларды талқылауға және әріптестерімен тәжірибе алмасуға мүмкіндік алды. Мемлекеттік аудиторлардың мінез-құлқының этикалық ережелері және кәсіби стандарттарды сақтаудың маңыздылығы туралы ұсыныстар берілді.

Осындай іс-шаралардың арқасында аудиторлардың кәсіби өсуі артады және сайып келгенде, мемлекеттік аудит және қаржылық бақылау жүйесін нығайтады.