«Қостанай облысы әкімдігі білім басқармасы» ММ-де жүргізілген аудиттік іс-шараның нәтижелері

Қостанай облысы бойынша Ішкі мемлекеттік аудит департаментімен Қостанай облысының «ГрИн» Азаматтық альянсы» қоғамдық қорының төрағасы Үтебаева Д.К. өтініші негізінде Қостанай облысы әкімдігі Білім басқармасы (бұдан әрі – Мекеме) мемлекеттік мекемесінде жоспардан тыс аудиттік іс-шара жүргізілді.

Аудит 2024 жылдың қорытындылары бойынша Қостанай ауданының білім бөліміне ынталандыруға бөлінген 2 200,0 мың теңге бюджет қаражатын пайдаланудың негізділігін тексеруге бағытталды.

Анықталған бұзушылықтар:

Аудит нәтижесінде жалпы сомасы 2 200,0 мың теңгеге қаржылық бұзушылықтар анықталды. Атап айтқанда, Қостанай ауданының білім бөліміне ведомстволық бағынысты емес әдістемелік кабинетке арналған 14 дана кеңсе жиһазы негізсіз сатып алынған.

Қабылданған шаралар:

Аудит барысында анықталған қаржылық бұзушылықтар толық көлемде жойылды. Бюджет қаражаты қайтарылып, заң бұзушылықтардың салдары жойылды.

Аудит қорытындысы бойынша Мекемеге анықталған бұзушылықтарды жою жөнінде нұсқама, сондай-ақ оларға жол берген лауазымды тұлғалардың жауапкершілігін қарау жөнінде ұсыныс жолданды.

Мекеменің ресми жауабына сәйкес, бір қызметкерге "ескерту" түрінде тәртіптік жаза қолданылған.