Еңбек жағдайлары мен еңбекті қорғауды бақылау

Еңбек жағдайлары мен еңбекті қорғауды бақылау басқармасы Қазақстан Республикасының еңбек заңнамасының қауіпсіздік және еңбекті қорғау саласындағы талаптарының сақталуына мемлекеттік бақылауды жүзеге асырады.

Қызметінің негізгі бағыттары кәсіби тәуекелдерге мониторинг жүргізу және оларды бағалау, өндірістегі жазатайым оқиғалардың уақтылы және объективті тергеп-тексерілуін бақылау, сондай-ақ оларды тергеп-тексеру, ресімдеу және тіркеу мәселелері бойынша туындайтын келіспеушіліктерді қарау болып табылады.

Басқарма сондай-ақ қауіпсіздік және еңбекті қорғау саласындағы заңнаманы жетілдіруге қатысады, консультациялық және түсіндіру жұмыстарын жүргізеді, жұмыскерлер мен жұмыс берушілердің өкілдерімен өзара іс-қимыл жасайды, сондай-ақ Комитеттің аумақтық бөлімшелеріне құқықтық, консультациялық және практикалық көмек көрсетеді.