Қаржы министрінің ҚҚС қайтару Қағидаларына өзгерістер енгізу туралы бұйрығына ПРЕСС-РЕЛИЗ

Қаржы министрінің ҚҚС қайтару Қағидаларына өзгерістер енгізу туралы бұйрығына

ПРЕСС-РЕЛИЗ

 

Қазақстан Республикасы Премьер-Министрінің орынбасары – Қаржы министрінің 2023 жылғы 16 қарашадағы №1198 бұйрығымен ҚҚС қайтару қағидаларына өзгерістер енгізілді, олар 2023 жылғы 4 желтоқсанда күшіне енеді.

ҚҚС қайтару қағидаларына елеулі пысықтаулар енгізілді, экспорттық операциялар бойынша ҚҚС қайтару рәсімін оңайлату бойынша бизнес-қоғамдастықтың ұсыныстары ескерілді.

Атап айтқанда:

- анықталған бұзушылықтарды жою үшін «Пирамида» талдамалық есебін қалыптастыру мерзімдері қысқартылды;

- «Пирамида» есебі бойынша бұзушылықтар анықталған кезде қайтаруға ҚҚС сомасын айқындау алгоритмі нақтыланды.

Сонымен қатар, Мемлекет Басшысының Жолдауын іске асыру шеңберінде МКК бизнес-қоғамдастықпен бірлесіп ҚҚС қайтару рәсімін одан әрі жетілдіру бойынша жұмыс жалғасуда.