Тауарларды шығарудың орташа уақытын айқындау әдістемесін бекіту туралы БІРЛЕСКЕН БҰЙРЫҚ

 Тауарларды шығарудың орташа уақытын айқындау

әдістемесін бекіту туралы

 БІРЛЕСКЕН БҰЙРЫҚ

Дүниежүзілік сауда ұйымының «Сауда рәсімдерін оңайлату туралы» Келісімінің 7-бабының 6.1-тармағын, сондай-ақ  Қазақстан Республикасы Премьер-Министрінің орынбасары 2018 жылғы 18 қаңтардағы
№ 17-5/46 бекіткен Дүниежүзілік сауда ұйымының сауда рәсімдерін оңайлату туралы келісімінің «В» және «С» ережелерін іске асыру жөніндегі іс-шаралар жоспарының 8-тармағын орындау үшін, БҰЙЫРАМЫН:

1. Қоса беріліп отырған Тауарларды шығарудың орташа уақытын айқындау әдістемесі бекітілсін.
2. Қазақстан Республикасы Қаржы министрлігінің Мемлекеттік кірістер комитеті, Қазақстан Республикасы Ұлттық қауіпсіздік комитетінің Шекара қызметі, Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті және Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті заңнамада белгіленген тәртіппен осы бірлескен бұйрықты Қазақстан Республикасы Қаржы министрлігі Мемлекеттік кірістер комитетінің, Қазақстан Республикасы Ұлттық қауіпсіздік комитеті Шекара қызметінің, Қазақстан Республикасы Ауыл шаруашылығы министрлігінің Ветеринариялық бақылау және қадағалау комитетінің және Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің интернет-ресурстарында орналастыруды қамтамасыз етсін.
3. Осы бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.