«Электрондық шот-фактуралар» ақпараттық жүйесінде адвокаттық кеңсені тіркеу
«Электрондық шот-фактуралар» ақпараттық жүйесінде адвокаттық кеңсеге бірнеше адвокаттың атынан электрондық шот-фактураларды (ЭШФ) жазып беру мүмкіндігі іске асырылды.
Ол үшін заңды тұлға сенім білдірілген тұлға ретінде тіркеліп, адвокаттық кеңсеге қатысатын адвокаттармен шарт жасасуы қажет.
Шарт бекітілгеннен кейін сенім білдірілген тұлға адвокаттық кеңсенің деректемелерін автоматты түрде толтыру және адвокаттар туралы мәліметтерді көрсету арқылы ЭШФ жазып беру мүмкіндігіне ие болады.
Жалпы шарттар
Адвокаттық кеңсені ЭШФ АЖ-да тіркеу үшін:
- заңды тұлға ЭШФ АЖ-да тіркелген болуы;
- шартқа енгізілетін адвокаттар ЭШФ АЖ-да Адвокат ретінде тіркелген болуы;
-пайдаланушының тіркеуді жүзеге асыру үшін тиісті өкілеттіктері болуы қажет.
Тіркеу шеңберінде адвокаттық кеңсе мен адвокаттар арасында бірлескен қызмет туралы шарт қалыптастырылады.
Егер қатысушы жүйеде тиісті санат бойынша тіркелмеген болса, ол алдын-ала тіркеуден өтуі қажет.
Адвокаттық кеңсені сенім білдірілген тұлға ретінде тіркеу
Тіркеуді бастау үшін келесі бөлімге өту қажет:
Тіркеу есебі → Сенім білдірілген тұлға-Адвокат
және адвокаттық кеңсе ретінде тіркеуді қосу функциясын таңдау қажет.
1-сурет — «Сенім білдірілген тұлға-Адвокаттар» бөлімі және адвокаттық кеңсені тіркеу функциясы
Тіркеу нысанын толтыру
Тіркеу нысанында шарт және бірлескен қызметке қатысатын адвокаттар туралы мәліметтер толтырылуы қажет.
Тіркеу туралы мәліметтер:
·қолданылу басталған күні;
·қолданылу аяқталған күні — болған жағдайда;
·құжат түрі;
·құжат нөмірі;
·құжат күні.
Адвокаттар туралы мәліметтер
Әрбір адвокат бойынша мынадай мәліметтер көрсетіледі:
·ЖСН/БСН;
·Т.А.Ә. — автоматты түрде толтырылады;
·қатысу үлесі.
Шарттағы адвокаттар саны шектелмейді.
ЖСН/БСН көрсетілген кезде жүйе тұлғаның ЭШФ АЖ-да Адвокат ретінде қолданыстағы тіркеуінің болуын тексереді.
2-сурет — Адвокаттық кеңсені тіркеу нысаны
3-сурет — Адвокат туралы мәліметтерді және қатысу үлесін толтыру
Қатысу үлесі
Әрбір адвокаттың қатысу үлесін көрсету міндетті болып табылады.
Барлық адвокаттардың қатысу үлестерінің сомасы 100%-ды құрауы тиіс.
4-сурет — Адвокаттардың қатысу үлестерінің сомасын бақылау
Тіркеу нысанына қол қою
Барлық қажетті мәліметтер толтырылғаннан кейін тіркеу нысаны электрондық цифрлық қолтаңбамен (ЭЦҚ) қол қойылады.
Қол қою кезінде жүйе ЭЦҚ сертификатын тексереді.
Сәтті қол қойылғаннан кейін шартқа «Бекітуді келісу» мәртебесі беріледі.
5-сурет — Тіркеу нысанына ЭЦҚ арқылы қол қою
6-сурет — «Бекітуді келісу» мәртебесі бар шарт
Шартты адвокаттармен келісу
Сенім білдірілген тұлға шартқа қол қойғаннан кейін ЭШФ АЖ шартта көрсетілген барлық адвокаттарға қатысуын растау туралы сұрау жібереді.
Әрбір адвокат ЭЦҚ арқылы қатысуын растауы тиіс.
7-сурет — Қатысушыларды келісу күйлері көрсетілген шарт карточкасы
8-сурет — Адвокаттың қатысуын растауы
Қатысушылардың бірі қатысудан бас тартқан жағдайда шартқа «Қабылданбады» мәртебесі беріледі.
Тіркеуді аяқтау
Барлық адвокаттар қатысуын растағаннан кейін жүйе шарт мәртебесін «Белсенді» деп өзгертеді және жұмыс істеу үшін тиісті бейіндерді жасайды.
9-сурет — Бекітілген шарт
Адвокаттардың атынан ЭШФ жазып беру
Шарт бекітілгеннен кейін Сенім білдірілген тұлға шартқа енгізілген адвокаттардың атынан ЭШФ жазып бере алады.
ЭШФ-ның I «Өнім берушінің сенім білдірілген тұлғасының (операторының) деректемелері» бөлімінде адвокаттық кеңсе - Сенім білдірілген тұлға туралы мәліметтер автоматты түрде көрсетіледі.
10-сурет — Сенім білдірілген тұлғаның деректемелері көрсетілген ЭШФ-ның I бөлімі
B «Өнім берушінің деректемелері» бөлімінде заңгерлік қызмет көрсеткен адвокаттар туралы мәліметтер көрсетіледі.
Жүйе «Адвокат» санатын автоматты түрде көрсетеді.
11-сурет — Адвокаттар туралы мәліметтер көрсетілген ЭШФ-ның B бөлімі
ЭШФ-дағы мәліметтерді бөлу
ЭШФ қалыптастыру кезінде H бөліміндегі мәліметтер адвокаттардың саны мен олардың қатысу үлестерін ескере отырып қалыптастырылады.
12-сурет — Адвокаттар бойынша бөлінген мәліметтер көрсетілген ЭШФ-ның H бөлімі
ЭШФ-ны қарау
Адвокаттық кеңсенің қызметі шеңберінде жазып берілген немесе алынған ЭШФ-лар ЭШФ-да көрсетілген мәліметтерге байланысты Сенім білдірілген тұлғаға және шарттың тиісті қатысушыларына қолжетімді болады.
13-сурет — Сенім білдірілген тұлғаның ЭШФ журналы
Шартқа қатысушылар құрамын өзгерту
Сенім білдірілген тұлға шартқа қатысушылардың құрамын өзгерте алады.
Мынадай операциялар көзделген:
·адвокатты қосу;
·адвокатты алып тастау;
·шарттың қолданылуын мерзімінен бұрын тоқтату.
14-сурет — Шарт карточкасы және өзгерістер енгізу бойынша қолжетімді әрекеттер
Адвокатты қосу
Жаңа адвокатты қосу үшін:
·адвокатты қосу функциясын таңдау;
·жаңа адвокаттың ЖСН-ін көрсету;
·өзгерістерге Сенім білдірілген тұлғаның ЭЦҚ-мен қол қою қажет.
15-сурет — Жаңа адвокатты қосу нысаны
Қол қойылғаннан кейін шарттың жаңа нұсқасына «Бекітуді келісу» мәртебесі беріледі.
16-сурет — Келісу сатысындағы шарттың жаңа нұсқасы
Адвокатты алып тастау
Адвокатты алып тастау үшін:
·адвокатты таңдау;
·өзгерістерге Сенім білдірілген тұлғаның ЭЦҚ-мен қол қою қажет.
17-сурет — Адвокатты шарттан алып тастау нысаны
Барлық қатысушылар растағаннан кейін шарттың жаңа нұсқасына «Белсенді» мәртебесі беріледі.
Шартты мерзімінен бұрын тоқтату
Сенім білдірілген тұлға шарттың қолданылуын мерзімінен бұрын тоқтата алады.
Ол үшін:
·«Тоқтату» функциясын таңдау;
·өзгерістерге Сенім білдірілген тұлғаның ЭЦҚ-мен қол қою қажет.
18-сурет — Шартты мерзімінен бұрын тоқтату нысаны
Барлық қатысушылар растағаннан кейін шартқа «Тоқтатылды» мәртебесі беріледі.
19-сурет — «Тоқтатылды» мәртебесі бар шарт