Түзетілген, қосымша және кері қайтарып алынған ЭШФ-ны растау

Түзетілген,  қосымша және кері қайтарып алынған ЭШФ-ны растау.

2026 жылдың 1 қаңтарынан бастап «ЭШФ» АЖ-де алушының келесі құжаттарды растаудың жаңа тетігі қолжетімді болады:

• Түзетілген ЭШФ;
• Қосымша ЭШФ;
• ЭШФ-ны кері қайтарып алу (негізгі, түзетілген, қосымша).

Бұл тетік алушы тиісті ЭШФ жазылған немесе кері қайтарып алынған күні ҚҚС төлеуші болған жағдайда ғана қолданылады.

ҚҚС төлеуші еместер үшін бұрынғы тетік сақталады: құжаттан 10 күнтізбелік күн ішінде бас тарту мүмкіндігі. Егер ЭШФ (ЭШФ-ны кері қайтарып алу) белгіленген мерзім ішінде бас тартылмаса, ЭШФ расталған болып есептеледі.

1. Кім және нені растауға міндетті?

2. Жүйеде түзетілген/қосымша ЭШФ, ЭШФ-ны кері қайтарып алу жазылғаннан кейін не болады?

Түзетілген, қосымша ЭШФ немесе ЭШФ-ны кері қайтарып алу жазылғаннан кейін, егер алушы түзетілген/қосымша ЭШФ жазылған немесе кері қайтарып алынған күні ҚҚС төлеуші болса, жүйе:

1. a) Құжатқа тіркеу нөмірін береді;
2. b) Оны келесі мәртебеге ауыстырады: түзетілген және қосымша ЭШФ үшін – «Алушының растауын күтуде»; ЭШФ-ны кері қайтарып алу үшін – «Алушының кері қайтарып алуды растауын күтуде».
3. c) Алушының басшысына, ЭШФ АЖ-дағы жұмыс істеп тұрған қызметкерлерге құжатты (кері қайтарып алуды) растау немесе бас тарту қажеттілігі туралы хабарлама жібереді.

Маңызды: «Алушының растауын күтуде», «Алушының кері қайтарып алуды растауын күтуде» мәртебесіндегі ЭШФ қолданыстағы болып саналмайды.

3. Растау / бас тарту мерзімдері.

      ҚҚС төлеушілер үшін:

• Растау немесе бас тарту талап қою мерзімі ішінде мүмкін болады.
• 10 күндік шектеу қолданылмайды.

ҚҚС төлеуші еместер үшін:

• Бас тарту үшін бұрынғы 10 күнтізбелік күн мерзімі сақталады.
• Мерзім өткен соң құжат автоматты түрде расталған болып есептеледі.

4. Расталғаннан кейін құжаттардың мәртебесі қалай өзгереді?

     Егер түзетілген ЭШФ расталса:

• Мәртебе «Жеткізілді» болып өзгереді.
• Барлық алдыңғы байланысты ЭШФ-лар (негізгі, қосымша) жойылады.

         Егер қосымша ЭШФ расталса:

• Мәртебе «Жеткізілді» болып өзгереді.

     Егер ЭШФ-ны кері қайтарып алу расталса:

• ЭШФ «Кері қайтарып алынды» мәртебесін алады.

5. Қабылданбағаннан кейін құжаттардың мәртебесі қалай өзгереді?

         Егер түзетілген/қосымша ЭШФ қабылданбаса (отклонен):

• Мәртебе «Бас тартылды» болып өзгереді.

     Егер ЭШФ-ны кері қайтарып алудан бас тартылса:

    ЭШФ алдыңғы қолданыстағы мәртебесін «Қаралмаған» немесе «Жеткізілді» күйіне қайтарады.

6. Талап қою мерзімінің өтуі.

    Егер талап қою мерзімі өтсе, ал құжат расталмаса/бас тартылмаса, онда түзетілген/қосымша ЭШФ үшін мәртебе «Есепке жатқызуға немесе шегерімге жатқызу үшін «ЭШФ» АЖ-мен жойылды» («Аннулирован ИС ЭСФ для отнесения в зачет или на вычеты») болып өзгереді. 

ЭШФ-ны кері қайтарып алу үшін мәртебе кері қайтарып алу әрекетіне дейінгі күйге қайтарылады.

7. Қосымша ерекшеліктер:

• Байланысты құжат бойынша «Алушының растауын күтуде» мәртебесінде ЭШФ болса, түзетілген/қосымша ЭШФ жазуға болмайды.
• Түзетілген/қосымша ЭШФ әлі расталмаған болса да, оларды кері қайтарып алуға рұқсат етіледі.