Баға белгілеу жөніндегі нормативтік құжаттарды бекіту туралы

Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген «Қазақстан Республикасы Индустрия және инфрақұрылымдық  даму министрлігінің Құрылыс және тұрғын үй-коммуналдық шаруашылық істері комитеті» республикалық мемлекеттік мекемесі  ережесінің  14-тармағының  27) және  29)  тармақшаларына,  «Құрылыстағы  баға белгілеу жөніндегі нормативтік құжаттарды мақұлдау туралы»  Қазақстан Республикасы Индустрия  және инфрақұрылымдық  даму  министрлігінің   Құрылыс  және тұрғын  үй-коммуналдық   шаруашылық  істері  комитеті Ғылыми-техникалық  кеңесінің  2020  жылғы  21 қыркүйектегі № 09-1 қаулысына сәйкес БҰЙЫРАМЫН:

1. Қоса беріліп отырған:

• ҚР ЖБЖ 8.03-01-2020 «Құрылыс үшін жобалау жұмыстарына арналған бағалар жинағы» (13 бөлім):

1-бөлім «Мұнай мен газды өндіру, тасымалдау және қайта өңдеу жөніндегі кәсіпорындар»;

2-бөлім «Металлургия, тау-кен және көмір өнеркәсібі кәсіпорындары»;

3-бөлім «Машина жасау өндірісінің кәсіпорындары»;

4-бөлім «Агроөнеркәсіптік кешен  кәсіпорындары»;

5-бөлім «Көлік жəне байланыс кəсіпорындары»;

6-бөлім «Қала құрылысы, тұрғын үй-азаматтық мақсаттағы ғимараттар мен құрылыстар»;

7-бөлім «Химия өнеркәсібі кәсіпорындары»;

8-бөлім «Сумен жабдықтау және кәріз.  Тереңдетілген құрылыстар мен конструкциялар, құрылыстық су деңгейін төмендету және дренаж Су шаруашылығы құрылысы»;

9-бөлім «Өрт сөндіру, газ тазарту және шаң ұстау құрылыстары. Өнеркәсіптік пештер, кептіргіштер, түтін және желдету құбырлары, жылу оқшаулау және коррозияға қарсы қорғау конструкциялары»;

10-бөлім «Энергетика объектілері»;

11-бөлім «Орман шаруашылығы кәсіпорындары»;

12-бөлім «Құрылыс материалдарын жəне металл конструкцияларын, орман, ағаш өңдеу және целлюлоза-қағаз өнеркəсібін шығару жөніндегі кәсіпорындар»;

13-бөлім «Жеңіл, тоқыма және жергілікті өнеркәсіп»;

• ҚР ИБЖ 8.03-04-2020 «Құрылыс үшін инженерлік ізденістерге арналған бағалар жинағы» (3 бөлім):

1-бөлім «Инженерлік-геодезиялық іздестіру»

2-бөлім «Инженерлік-геологиялық іздестіру»

3-бөлім «Инженерлік-гидрографиялық жұмыстар. Өзендердегі инженерлік-гидрометеорологиялық іздестіру» бекітілсін. 

2. Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің (бұдан әрі – Комитет) Құрылыстағы сметалық нормалар басқармасы заңнамада белгіленген тәртіппен осы бұйрықты Комитеттің ресми интернет-ресурсына орналастыруды қамтамасыз етсін.
3. Осы бұйрықтың орындалуын бақылау жетекшілік ететін Комитет төрағасының орынбасарына жүктелсін.
4. Осы бұйрық 2021 жылғы 1 қаңтардан бастап күшіне енеді.

Қазақстан Республикасы

Индустрия және инфрақұрылымдық

даму министрлігі Құрылыс және

тұрғын үй-коммуналдық шаруашылық

істері комитетінің төрағасы                                     М. Жайымбетов