Сәулет, қала құрылысы және құрылыс қызметі саласындағы нормативтік-техникалық құжаттың күшін жою туралы

Сәулет, қала құрылысы және құрылыс қызметі саласындағы нормативтік-техникалық құжаттың күшін жою туралы

Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті туралы ереженің 14-тармағының 21), 27) және 29) тармақшаларына сәйкес БҰЙЫРАМЫН:

1. «Баға белгілеу және сметалар бойынша нормативтік-техникалық құжаттарды бекіту туралы» Қазақстан Республикасы Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитеті төрағасының 2015 жылғы 27 шілдедегі № 246-нқ бұйрығының күші жойылды деп танылсын.
2. Әзірленетін жобалау, жобалау-сметалық құжаттаманы құрылыстың ағымдағы бағамен (ресурстық әдіс) құнын айқындау бойынша сметалық-нормативтік базаны қолданып жасалсын.

3. 2001 жылғы сметалық-нормативтік база деңгейінде базистік-индекстік әдіспен әзірленген жобалау-сметалық құжаттаманы түзеткен кезде жұмыстардың қалдық көлемдерінің сметалық құны Қазақстан Республикасы Инвестициялар және даму министрлігінің Құрылыс және тұрғын үй-коммуналдық шаруашылық істері комитеті төрағасының 2017 жылғы 14 қарашадағы № 249-нқ бұйрығымен бекітілген Құрылыстағы баға белгілеу бойынша нормативтік құжатқа сәйкес, шығындар жиынтығына жұмыстың орындалған және қалдық көлемдерін біріктіре отырып,  айқындалсын.

4. 4. Құрылыстағы сметалық нормалар басқармасы заңнамада белгіленген тәртіппен осы бұйрықтың Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің (бұдан әрі – Комитет) ресми интернет-ресурсында орналастырылуын қамтамасыз етсін.
5. Осы бұйрықтың орындалуын бақылау жетекшілік ететін Комитет төрағасының орынбасарына жүктелсін.
6. Осы бұйрық 2020 жылғы 1 қаңтардан бастап күшіне енеді.