Сметалық-нормативтік базаны жүргізу үшін Отандық өндірушілер өндіретін құрылыс өнімінің номенклатурасын бекіту туралы

Сметалық-нормативтік базаны жүргізу үшін Отандық өндірушілер өндіретін құрылыс өнімінің номенклатурасын бекіту туралы

Қазақстан Республикасы Ұлттық экономика министрлігінің Статистика комитеті төрағасының 2015 жылғы 18 наурыздағы № 50 бұйрығымен бекітілген Ведомстволық жіктелімдерді жүргізудің үлгілік әдістемесіне (ВЖЖҮӘ) сәйкес БҰЙЫРАМЫН:

1. Сметалық-нормативтік базаны жүргізу үшін Отандық өндірушілер өндіретін құрылыс өнімінің номенклатурасы бекітілсін.
2. «Сметалық-нормативтік базаны жүргізу үшін Отандық өндірушілер өндіретін құрылыс өнімінің номенклатурасын бекіту туралы» Қазақстан Инвестициялар және даму министрлігінің Құрылыс және тұрғын үй-коммуналдық шаруашылық істері комитеті төрағасының 2017 жылғы 27 наурыздағы № 6-НҚ бұйрығының күші жойылсын.
3. Құрылыстағы сметалық нормалар басқармасы заңнамада белгіленген тәртіппен осы бұйрықтың Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің (бұдан әрі - Комитет) ресми интернет-ресурсында орналастырылуын қамтамасыз етсін.
4. Осы бұйрықтың орындалуын бақылау жетекшілік ететін Комитет төрағасының орынбасарына жүктелсін.
5. Осы бұйрық қол қойылған күнінен бастап күшіне енеді.

Төраға                                                                                    М. Жайымбетов