Атомдық және энергетикалық қадағалау мен бақылау комитетінің тексерісі нәтижесінде «ТехСпецСтрой. KZ» ЖШС әкімшілік жауапкершілікке тартылды

ҚР Энергетика министрлігі Атомдық және энергетикалық қадағалау мен бақылау комитетінің Ақтөбе облысы бойынша аумақтық департаменті «Энергосистема» ЖШС-нің өтініші бойынша жоспардан тыс тақырыптық тексеру жүргізді. Сол тексеру барысында «Тех Спец Строй. KZ» ЖШС-нің жер жұмыстарын жүргізуі кезінде Электр желілері объектілерінің күзет аймақтарын және осындай аймақтардың шекараларында орналасқан жер учаскелерін пайдаланудың ерекше шарттарын белгілеу қағидаларының талаптарын сақтамағаны анықтады. Соның салдарынан «Энергосистема» ЖШС-ға тиесілі «Актюбинская ПОШ-2» 110 кВ әуе желісі зақымданған.

Тексерудің нәтижелері бойынша, Комитеттің аумақтық департаменті «Тех Спец Строй. KZ» ЖШС-ны ҚР Әкімшілік құқық бұзушылық туралы кодекстің 302-бабының 4-бөлігіне сәйкес 113 625 теңге сомасына қысқартылған іс жүргізу тәртібі бойынша әкімшілік жазаға тартты.
(фото ашық деректерден алынды)

ҚР Энергетика министрлігінің Баспасөз қызметі

Жарияланған күні

19 қараша 2019

Жаңарту күні

19 қараша 2019

Жарияланымның авторы
Қызмет бағыты