ҚР ЭНЕРГЕТИКА МИНИСТРЛІГІ МЕН АҚШ ЭНЕРГЕТИКА ДЕПАРТАМЕНТІНІҢ ЯДРОЛЫҚ ҚАУІПСІЗДІК ЖӨНІНДЕГІ ҰЛТТЫҚ ӘКІМШІЛІГІНІҢ ЖОҒАРЫ БАЙЫТЫЛҒАН УРАНДЫ БАРЫНША АЗАЙТУ ТУРАЛЫ БІРЛЕСКЕН МӘЛІМДЕМЕСІ ЖӨНІНДЕГІ БАСПАСӨЗ ХАБАРЛАМАСЫ
Көру саны:10
Вена, Аустрия
Ядролық қатерді төмендету жөніндегі жаһандық бастама шеңберінде қазіргі уақытта Қазақстан Республикасында зерттеу реакторларын конверсиялау бойынша жұмыстар жүргізілуде.
Жұмыстардың негізгі мақсаты – зерттеу реакторларын төмен байытылған уран отынына ауыстыру арқылы ядролық материалдарды таратпау.
Жобалар АҚШ ұйымдарымен бірлесіп іске асырылуда, олар осы күрделі міндеттерді орындайтын Қазақстан ұйымдарының ғылыми-техникалық әлеуеті мен біліктілігінің жоғары деңгейде екендігін атап көрсетті.
Жобаны іске асыру маңыздылығын ескере отырып, АЭХА Бас конференциясының 63-ші сессиясы аясында Қазақстан Республикасының Энергетика министрі Қ. Бозымбаев пен АҚШ Энергетика департаменті министрдің ядролық қауіпсіздік жөніндегі орынбасары және Ядролық қауіпсіздік жөніндегі ұлттық әкімшілігінің әкімшісі Лиза Э. Гордон-Хагерти Қазақстан Республикасында жоғары байытылған уранды кәдеге жарату бойынша бірлескен жұмыс жоспарлары туралы бірлескен мәлімдемеге қол қойды.
Аталған іс-шараның аяқталуы әлемдік қауіпсіздікті күшейтеді және Елбасы Н. Ә. Назарбаев бастаған бейбіт мақсатта даму бағытын растайды.
Естеріңізге саламыз, 2019 жылдың 16-20 қыркүйегі аралығында ҚР Энергетика министрі Қ. Бозымбаев бастаған қазақстандық делегация Вена қаласындағы (Аустрия) Атом энергиясы жөніндегі халықаралық агенттіктің (АЭХА) Бас конференциясының жыл сайынғы 63-ші сессиясына қатысып жатыр. Қазақстандық делегацияның құрамында ҚР Энергетика министрлігі, «Қазақстан Республикасының Ұлттық ядролық орталығы» РМК, «Қазатомөнеркәсіп» ҰАК» АҚ және «Қазақстандық атом электр станциялары» АҚ-ның өкілдері бар.
ҚР Энергетика министрлігінің Баспасөз қызметі