«Облыстық бюджеттердің, республикалық маңызы бар қалалар, астана бюджеттерінің Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға 2025 жылға арналған республикалық бюджеттен берілетін ағымдағы нысаналы трансферттерді пайдалануы қағидаларын бекіту туралы» Қазақстан Республикасы Үкіметінің қаулы жобасы әзірленді

09 қаңтар 2025 10:42

«Облыстық бюджеттердің, республикалық маңызы бар қалалар, астана бюджеттерінің Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға 2025 жылға арналған республикалық бюджеттен берілетін ағымдағы нысаналы трансферттерді пайдалануы қағидаларын бекіту туралы» Қазақстан Республикасы Үкіметінің қаулы жобасы (бұдан әрі – қаулы жобасы) «2025 – 2027 жылдарға арналған республикалық бюджет туралы» Қазақстан Республикасының Заңына және «2025 – 2027 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2024 жылғы 10 желтоқсандағы № 1046 қаулысына сәйкес әзірленді.

Қаулы жобасының мақсаты мүгедектігі бар адамдардың өмір сүру сапасын жақсартуға және олардың тәуелсіздікке қол жеткізуіне, әлеуметтік, кәсіптік қабілеттерін сақтауға және өмірдің барлық аспектілеріне қатысуына мүмкіндік береді.

Жобаны қабылдау теріс әлеуметтік-экономикалық, құқықтық және (немесе) өзге салдарға алып келмейді, сондай-ақ ұлттық қауіпсіздікті қамтамасыз етуге ықпал жасамайды.

Қаулы жобасы 2025 жылғы 6 қаңтарда ашық нормативтік құқықтық актілердің интернет-порталында (https://legalacts.egov.kz/npa/view?id=15388436) орналастырылды.

Қаулы жобасын жария талқылауды өткізу мерзімі – 2025 жылғы
21 қаңтарға дейін.