«Республика күні» және «Әлеуметтік қорғау жүйесі қызметкерлері күні» мерекелеріне арналған іс-шара.

  Республика күні — еліміздің әрбір азаматы үшін айрықша күн. Бұл — Қазақстанның тәуелсіздігін, бірлігін, тұрақтылығын және одан әрі дамып, өркендеуге деген ұмтылысын білдіретін күн.

       Біздің жетістіктеріміз — өз кәсібилігімен, жауапкершілігімен және ісіне адалдығымен еліміздің дамуына үлес қосып жүрген әр адамның күнделікті еңбегінің нәтижесі.

       Бүгін халықты әлеуметтік қорғау жүйесінің қызметкерлеріне ерекше алғыс айтқым келеді. Біздің жұмысымыздың маңызы зор, өйткені ол адамдармен, олардың өмірлік жағдайларымен, отбасыларға, қарт азаматтарға, мүгедектігі бар адамдарға және мемлекеттік көмекке мұқтаж жандардың барлығына қолдау көрсетумен тікелей байланысты.

       Әрбір өтініштің, әрбір жәрдемақы тағайындаудың және көрсетілген әрбір қызметтің артында сапалы көмекпен қатар, назар аударуды, құрмет пен түсіністікті қажет ететін адам тұр.