Тифлотехникалық құралдар көру қабілеті бұзылған адамдарға арналған

ТИФЛОТЕХНИКАЛЫҚ ҚҰРАЛДАР

көру қабілеті бұзылған адамдарға арналған

Тифлотехникалық құралдар — көру қабілетінің бұзылуына байланысты шектеулердің орнын толтыруға және адамның күнделікті өмірдегі дербестігін арттыруға көмектесетін арнайы техникалық құрылғылар.

НЕ ҮШІН ҚАЖЕТ?

👁 Ақпарат алу — мәтіндерді оқу, құжаттарды тыңдау және цифрлық ресурстарды пайдалану.

🦯 Бағдарлану және қозғалу — жолды өз бетінше табу және кедергілерді анықтау.

📱 Техниканы пайдалану — компьютер, телефон және басқа электрондық құрылғылармен жұмыс істеу.

📚 Оқу және жұмыс істеу — Брайль жүйесі бойынша оқу және жазу, білім алу және кәсіби міндеттерді орындау.

🏠 Тұрмыстық міндеттерді орындау — аспаптардың көрсеткіштерін анықтау, сағаттарды және басқа құрылғыларды пайдалану.

ТИФЛОТЕХНИКАЛЫҚ ҚҰРАЛДАРДЫҢ НЕГІЗГІ ТҮРЛЕРІ

Бағдарлануға арналған құралдар:
тифлотаяқтар және өз бетінше қозғалу үшін қолданылатын басқа да құралдар.

Оқу және ақпаратпен жұмыс істеуге арналған құралдар:
оқу машиналары, экранға қолжетімділікті қамтамасыз ететін және сөйлеу синтезі бар бағдарламалық қамтамасыз етумен жабдықталған ноутбуктер.

Брайль құралдары:
Брайль жүйесі бойынша жазуға арналған құрылғылар, грифельдер және қағаз.

Сөйлеу арқылы ақпарат беретін құралдар:
телефондар, плеерлер, сағаттар, термометрлер, тонометрлер және ақпаратты дауыстап беретін басқа құрылғылар.

КІМГЕ БЕРІЛЕДІ?

Көру қабілетінің бұзылуына байланысты мүгедектігі бар адамдарға — тиісті медициналық көрсетілімдер және абилитациялау мен оңалтудың жеке бағдарламасында (АБОЖБ) тиісті ұсынымдар болған жағдайда.

ҚАЛАЙ АЛУҒА БОЛАДЫ?

Техникалық оңалту құралдарымен қамтамасыз ету АБОЖБ-ға және халықты әлеуметтік қорғау саласындағы қолданыстағы қағидаларға сәйкес жүзеге асырылады.

Заңнамада көзделген жекелеген құралдарды таңдау және оларға тапсырыс беру Әлеуметтік қызметтер порталы арқылы жүзеге асырылуы мүмкін.

Тифлотехника — өз бетінше өмір сүруге, ақпарат алуға, білім алуға, жұмыс істеуге және қоғамдық өмірге қатысуға мүмкіндік береді.

Негіз: Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы №287 бұйрығы «Мүгедектігі бар адамдарды техникалық оңалту құралдарымен қамтамасыз ету қағидаларын бекіту туралы».