«Клиникалық және эпидемиологиялық көрсетілімдер бойынша адамдарды АИТВ-инфекциясының болуына міндетті құпия медициналық зерттеп-қарау қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 23 маусымдағы №508 бұйрығына өзгерістер енгізу туралы

«Клиникалық және эпидемиологиялық

көрсетілімдер бойынша адамдарды

АИТВ-инфекциясының болуына міндетті

құпия медициналық зерттеп-қарау қағидаларын

бекіту туралы» Қазақстан Республикасы

Денсаулық сақтау және әлеуметтік

даму министрінің 2015 жылғы 23 маусымдағы

№508 бұйрығына өзгерістер енгізу туралы

БҰЙЫРАМЫН:

1.          «Клиникалық және эпидемиологиялық көрсетілімдер бойынша адамдарды АИТВ инфекциясының болуына міндетті құпия медициналық зерттеп-қарау қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 23 маусымдағы № 508 бұйрығына (нормативтік құқықтық актілерді мемлекеттік тіркеу тізілімінде № 11803 болып тіркелген, 2015 жылғы 2 шілдеде «Әділет» ақпараттық-құқықтық жүйесінде жарияланған) мынадай өзгерістер енгізілсін:

         Клиникалық және эпидемиологиялық көрсетілімдер бойынша
адамдарды АИТВ инфекциясының болуына міндетті құпия
медициналық зерттеп-қарау қағиданын 4-тармақтын 1-тармағы мынадай редакцияда жазылсын:

«1). АИТВ-инфекциясының профилактикасы саласындағы қызметті жүзеге асыратын денсаулық сақтау ұйымдары, Қазақстан Республикасы Денсаулық сақтау министрлігінің «Қазақ дерматология және инфекциялық аурулар ғылыми орталығы» шаруашылық жүргізу құқығындағы республикалық мемлекеттік кәсіпорны (бұдан әрі – ҚДИАҒО), қан орталықтары және меншік нысанына қарамастан басқа да денсаулық сақтау ұйымдары;».

13-тармақ мынадай редакцияда жазылсын:

«1. ҚДИАҒО меншік нысанына қарамастан АИТВ-ға тексерудің I кезеңі жүргізілген ұйымдарда және АИТВ-инфекциясының профилактикасы саласындағы қызметті жүзеге асыратын облыстық/қалалық денсаулық сақтау ұйымдарына АИТВ-инфекциясының болуы туралы нәтиже береді.».

2. Қазақстан Республикасы Денсаулық сақтау министрлігінің Медициналық көмекті ұйымдастыру департаменті Қазақстан Республикасының заңнамасында белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты оның ресми жариялымынан кейін Қазақстан Республикасы Денсаулық сақтау министрлігінің интернет-ресурсында орналастыруды;

       3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң қызметі департаментіне осы тармақтың 1) және 2) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.  

3. Осы бұйрықтың орындалуын бақылау Қазақстан Республикасының Денсаулық сақтау министрлігінің вице-министрі А.Г.Гиниятқа жүктелсін.
4. Осы бұйрық оны алғашқы ресми жариялаған күннен кейін күнтізбелік он күн өткен соң қолданысқа енгізіледі.