Әлеуметтік медициналық сақтандыру қоры комиссиялық сыйақы алу қағидаларын бекіту туралы

«Міндетті әлеуметтік сақтандыру туралы» Қазақстан Республикасы Заңының 11-бабының 5-2) тармақшасына сәйкес БҰЙЫРАМЫН:

1. Қоса беріліп отырған «Әлеуметтік медициналық сақтандыру қоры» КЕАҚ комиссиялық сыйақы алу қағидалары бекітілсін.
2. Қазақстан Республикасы Денсаулық сақтау министрлігінің Корпартивті дамыту департаментіне Қазақстан Республикасының заңнамасында белгіленген тәртіппен қамтамасыз етсін:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің ресми интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

           Лауазымы                                                                              ТАӘ