"Республикалық меншіктің кейбір мәселелері туралы" Қазақстан Республикасы Үкіметінің қаулысы

Республикалық меншіктің кейбір мәселелері туралы

«Мемлекеттік мүлік туралы» Қазақстан Республикасының Заңы
114-бабының 1-тармағына сәйкес Қазақстан Республикасының Үкіметі
ҚАУЛЫ ЕТЕДІ:

1. Республикалық мүлік Қазақстан Республикасының заңнамасында белгіленген тәртіппен «Қазақстан Республикасы Денсаулық сақтау министрлігі» мемлекеттік мекемесінің теңгерімінен:

1) осы қаулыға 1-қосымшаға сәйкес «Семей медицина университеті» коммерциялық емес акционерлік қоғамының акцияларын төлеуге;

2) осы қаулыға 2-қосымшаға сәйкес «Қазақ онкология және радиология ғылыми-зерттеу институты» акционерлік қоғамының акцияларын төлеуге;

3) осы қаулыға 3-қосымшаға сәйкес «Акушерлік, гинекология және перинатология ғылыми орталығы» акционерлік қоғамының акцияларын төлеуге;

4) осы қаулыға 4-қосымшаға сәйкес «Педиатрия және балалар хирургиясы ғылыми орталығы» акционерлік қоғамының акцияларын төлеуге;

5) осы қаулыға 5-қосымшаға сәйкес «Ұлттық ғылыми онкология орталығы» жауапкершілігі шектеулі серіктестігінің жарғылық капиталына берілсін.

2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасы Денсаулық сақтау министрлігімен бірлесіп Қазақстан Республикасының заңнамасында белгіленген тәртіппен осы қаулыдан туындайтын шараларды қабылдасын.
3. Осы қаулы қол қойылған күнінен бастап қолданысқа енгізіледі.