«Ұлттық режимнен алып тастауды бекіту туралы»

«Ұлттық режимнен алып тастауды бекіту туралы» Қазақстан Республикасы Үкіметінің 2019 жылғы 26 шілдедегі № 538 қаулысына өзгеріс пен толықтырулар енгізу туралы

Қазақстан Республикасының Үкіметі ҚАУЛЫ ЕТЕДІ:

1. «Ұлттық режимнен алып тастауды бекіту туралы» Қазақстан Республикасы Үкіметінің 2019 жылғы 26 шілдедегі № 538 қаулысына мынадай өзгеріс пен толықтыру енгізілсін:

мынадай редакциядағы 1-1-тармақпен толықтырылсын:

«1-1. Осы қаулыға қосымшада көрсетілген тауарларды мемлекеттік сатып алу Қазақстан Республикасының Мемлекеттік сатып алу туралы заңнамасында айқындалған тәртіппен алдын ала біліктілік сұрыптаумен конкурс тәсілімен жүзеге асырылады деп белгіленсін.».

2- тармақ мынадай редакцияда жазылсын:

«2. Белгіленген тәртіппен берілген Индустриялық сертификаты бар, Қазақстан Республикасының заңды тұлғасы шығаратын тауарлардың мемлекеттік сатып алуға қатысуына рұқсат берілсін»;

мынадай редакциядағы 2-1-тармақпен толықтырылсын:

«2-1. Мемлекеттік сатып алу шеңберінде тауарларды жеткізу кезінде өнім берушінің «CT-KZ» нысанындағы тауардың өткені туралы сертификатты ұсынуы міндетті шарт болып табылады.».

3. Осы қаулы қол қойылған күнінен бастап қолданысқа енгізіледі.