Ағаш-жоңқа және ағаш-талшықты тақталарды әкетуді реттеудің кейбір мәселелері туралы

         ____________________________                                               № _______________________                                     Нұр-Сұлтан қаласы                                                                                                      город Нур-Султан

Ағаш-жоңқа және ағаш-талшықты тақталарды

әкетуді реттеудің кейбір мәселелері туралы

«Қазақстан Республикасының Ұлттық қауіпсіздігі туралы» Қазақстан Республикасы Заңының 6-бабы 1-тармағының 11) тармақшасына және                         22-бабының 2-тармағына, Еуразиялық экономикалық одақ туралы шарттың               29-бабына, сондай-ақ көрсетілген шартқа 7-қосымшаның 10-бөліміне сәйкес БҰЙЫРАМЫН:

1. Қазақстан Республикасының аумағынан қалыңдығы 9 мм-ден асатын, механикалық өңдеусіз немесе беткі қабаты жабылмаған тығыздығы орташа ағаш-талшықты тақталар (MDF) (БЭЖ СЭҚ ТН коды 4411141000); тығыздығы 0,8 г/см3-ден асатын, механикалық өңдеусіз немесе үстіңгі қабаты жабылмаған ағаш-талшықты тақталар, (БЭЖ СЭҚ ТН коды 4411921000); тегістеуден басқа, өңделмеген немесе одан әрі өңделмеген ағаш жаңқалы тақталарды (БЭЖ СЭҚ ТН коды 4410111000) үшінші елдерге алты ай мерзімге әкетуге тыйым салу енгізілсін.
2. Қазақстан Республикасы Индустрия және инфрақұрылымдық даму министрлігі Индустриялық даму комитеті:

1) Қазақстан Республикасының заңнамасында белгіленген тәртіппен осы бұйрықтың 1-тармағын орындау бойынша бақылауды қамтамасыз ету туралы Қазақстан Республикасы Қаржы министрлігінің Мемлекеттік кірістер комитеті мен Қазақстан Республикасы Ұлттық қауіпсіздік комитетінің Шекара қызметін;

2) Қазақстан Республикасының заңнамасында белгіленген тәртіппен осы бұйрықтың 1-тармағын іске асыру бойынша шаралар қолдану туралы «Қазақстан темір жолы» Ұлттық компаниясы» (келісім бойынша) акционерлік қоғамын;

3) белгіленген тәртіппен:

осы бұйрықтың 1-тармағында көрсетілген тыйым салудың енгізілгені туралы Еуразиялық экономикалық комиссияны ақпараттандыру;

Еуразиялық экономикалық одақтың кедендік аумағында осы бұйрықтың 1-тармағында көрсетілген шараның енгізілуі туралы ұсынысты Еуразиялық экономикалық комиссияның қарауына енгізу қажеттігі туралы Қазақстан Республикасының сауда және интеграция министрлігін  хабардар етсін. 

3. Қазақстан Республикасы Индустрия және инфрақұрылымдық даму министрлігі Индустриялық даму комитеті заңнамада белгіленген тәртіппен мыналарды:

1) осы бұйрықтың Қазақстан  Республикасы Әділет министрлігінде мемлекеттік тіркелуін;

2) осы бұйрықтың Қазақстан Республикасы Индустрия және инфрақұрылымдық даму министрлігінің интернет-ресурсында орналастырылуын қамтамасыз етсін.

4. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
5. Осы бұйрық алғашқы ресми жарияланған күннен кейін күнтізбелік он күн өткен соң қолданысқа енгізіледі.

«КЕЛІСІЛДІ»

Қазақстан Республикасының

Қаржы министрлігі

 «КЕЛІСІЛДІ»

Қазақстан Республикасының

Сауда және интеграция министрлігі

«КЕЛІСІЛДІ»

Қазақстан Республикасының

Ұлттық экономика министрлігі

«КЕЛІСІЛДІ»

Қазақстан Республикасының

Ұлттық қауіпсізді комитеті