«Ауқымды толық иммундау!»

Вакцинация – денсаулық сақтауда ең үлкен жетістіктерінің бірі. Дүниежүзінде инфекциялармен күресудегі ең тиімді, үнемді және қолжетімді құрал ретінде танылды.

2023 жылы Еуропалық иммундау апталығы (24-30 сәуір) «Ауқымды толық иммундау!» ұранымен өтіп, келесі негізгі хабарламаларға назар аударды:

- «Әрбір доза маңызды»

- «Уақыт маңызды»

- «Вакцинация туралы айтыңыз»

- «Дүниежүзілік денсаулық сақтау ұйымының 75 жылдығы».

Жыл сайынғы екпенің нәтижесінде 3 миллионға жуық бала өлімнен құтқарылды, 750 мыңнан астам бала мүгедектіктен құтылады.

Жаппай вакцинациялау – ұлт денсаулығын сақтаудың қажетті шарты. Иммундау маңыздылығы туралы хабардарлықты арттыру арқылы Дүниежүзілік иммундау апталығының іс-шаралары вакцинациямен қамтуды ұлғайтуға және сайып келгенде, кез келген вакцинамен басқарылатын аурудың таралуын болдырмауға бағытталған.

Денсаулық пен әл-ауқат үшін иммунопрофилактиканың маңыздылығы туралы халықтың назарын аудару және хабардарлығын арттыру мақсатында медицина қызметкерлері облыстың 29 мыңнан астам тұрғынын қамтыған 600-ден астам түрлі іс-шара өткізді.