Жиі қойылатын сұрақтар
Қазақстан Республикасының Әлеуметтік кодексіне және Қазақстан Республикасы Еңбек және халықты әлеуметтік қорғау министрінің 2023 жылғы 30 маусымдағы № 283 бұйрығымен бекітілген Қағидаларға, сондай-ақ 2026 жылғы 26 мамырдағы № 194 бұйрықпен енгізілген өзгерістерге сәйкес, санаторий-курорттық емделу мүгедектігі бар адамның абилитациялау және оңалтудың жеке бағдарламасына (АОЖБ) сәйкес ұсынылады.
Мүгедектігі бар адамдар мен мүгедектігі бар балаларға санаторий-курорттық емделу абилитациялау және оңалтудың жеке бағдарламасында (АОЖБ) көрсетілген ұсынымдарға сәйкес ұсынылады.
Санаторий-курорттық емделу медициналық оңалту шараларының бірі болып табылады және медициналық көрсетілімдер мен қарсы көрсетілімдерді ескере отырып ұсынылады.
Санаторий-курорттық емделуге кімнің құқығы бар
Мемлекеттік әлеуметтік қорғау жүйесі шеңберінде санаторий-курорттық емделуге:
·мүгедектігі бар адамдар;
·мүгедектігі бар балаларқұқылы.
Санаторий-курорттық емделу мүгедектігі бар адамның абилитациялау және оңалтудың жеке бағдарламасында тиісті іс-шара болған жағдайда және медициналық қарсы көрсетілімдерді ескере отырып ұсынылады.
Жұмыс берушінің кінәсінен еңбек жарақатын алған немесе кәсіптік ауруға шалдыққан мүгедектігі бар адамға санаторий-курорттық емделуге жұмсалған шығыстарды Қазақстан Республикасының заңнамасына сәйкес жұмыс беруші өтейді.
Қызметті алу тәртібі
Санаторий-курорттық емделумен қамтамасыз ету үшін құжаттарды рәсімдеу мақсатында азамат немесе оның заңды өкілі тұрғылықты жері бойынша жүгінеді.
2026 жылғы 12 шілдеден бастап мемлекеттік қызметті рәсімдеу веб-портал арқылы, сондай-ақ «Е-Собес» автоматтандырылған цифрлық жүйесі арқылы проактивті форматта жүзеге асырылады.
Қызмет проактивті түрде көрсетілген кезде азаматқа SMS-хабарлама жіберіледі. Қызметті көрсетуге келісім алынғаннан кейін қажетті мәліметтер ақпараттық жүйелерден автоматты түрде сұратылады.
Өтініштер АЦЖ «Е-Собес» электрондық кезек журналына келіп түсу тәртібімен тіркеледі.
Санаторий-курорттық ұйымды таңдау
Санаторий-курорттық емделу Әлеуметтік қызметтер порталы арқылы немесе мемлекеттік сатып алу тәсілімен ұсынылады.
Өтініш тіркелгеннен кейін абилитациялау және оңалтудың жеке бағдарламасы туралы мәліметтер кезектілік тәртібімен Әлеуметтік қызметтер порталына жіберіледі.
Азаматқа Әлеуметтік қызметтер порталына авторизациядан өтіп, өнім берушіні таңдау қажеттілігі туралы SMS-хабарлама жіберіледі.
Өтініш беруші авторизациядан өткеннен кейін Порталда ұсынылған өнім берушілердің арасынан санаторий-курорттық ұйымды өз бетінше таңдайды, қызмет көрсетуге тапсырысты рәсімдейді және қажетті құжаттарға электрондық цифрлық қолтаңба арқылы қол қояды.
Қызмет көрсету мерзімі
Санаторий-курорттық емделу күнтізбелік жыл ішінде бір реттен артық емес және ұзақтығы 14 тәуліктен аспайтын мерзімге ұсынылады.
Санаторий-курорттық емделу орнына бару және кері қайту жол жүру шығыстарын мүгедектігі бар адамның өзі төлейді.
Мүгедектігі бар баланы сүйемелдеу
Мүгедектігі бар баланы санаторий-курорттық емделуге алып баратын заңды өкілдерінің бірінің санаторий-курорттық ұйымда болу құнын жергілікті атқарушы органның өтеуіне құқығы бар.
Өтеу мөлшері санаторий-курорттық емделу құнын өтеу ретінде ұсынылатын кепілдендірілген соманың 70 пайызын құрайды.
Сүйемелдеуші адам болған жағдайда мүгедектігі бар баланың санаторий-курорттық ұйымға келуі және одан шығуы тек сүйемелдеуші адамның қатысуымен жүзеге асырылады.
Медициналық талаптар
Санаторий-курорттық емделу медициналық көрсетілімдер мен қарсы көрсетілімдерді ескере отырып жүзеге асырылады.
Санаторий-курорттық емделуге қажеттілікті бағалау емделу алдында тікелей санаторий-курорттық картаны рәсімдеу кезінде жүргізіледі.
Медициналық қарсы көрсетілімдерге, атап айтқанда, аурудың жіті кезеңіндегі немесе асқыну кезеңіндегі жағдайлар, оқшаулау мерзімі аяқталғанға дейінгі инфекциялық аурулар, стационарлық емдеуді қажет ететін кейбір аурулар, сондай-ақ медициналық талаптарда белгіленген өзге де жағдайлар жатады.
Жауапты мемлекеттік орган:
«Қарасай ауданының жұмыспен қамту және әлеуметтік бағдарламалар бөлімі» мемлекеттік мекемесі.
Учаскелік терапевт-дәрігердің қызметтері, сондай-ақ жүктілікті анықтау және есепке қою үшін зертханалық зерттеулер тегін медициналық көмектің кепілдік берілген көлеміне кіреді және МӘМС жүйесіндегі сақтандырылған мәртебесіне қарамастан ұсынылады.
Бұл көлемге сонымен қатар учаскелік терапевт немесе емхананың жалпы практика дәрігерінің медициналық қызмет көрсетуі кіреді, атап айтқанда:
- жүкті әйелдерді антенаталдық (босанғанға дейінгі) бақылау, босанғаннан кейінгі кеш кезеңде босанған әйелдерді бақылау, экстрагениталдық патологиясы бар фертильді жастағы әйелдерді динамикалық бақылау;
- жүкті әйелдерді босануға, оның ішінде әріптестік босануға дайындау бойынша босанғанға дейінгі оқытуды жүргізу, жүкті әйелдерді қауіп-қатер белгілері туралы, тиімді перинаталдық технологиялар, қауіпсіз ана болу, емшекпен емізу қағидаттары туралы хабардар ету.
Жоғарыда аталғандар негізінде, алғашқы бақылау және зертханалық зерттеулер Сізге ақысыз көрсетілуі керек.
Жүктіліктің асқынған ағымында учаскелік маман МӘМС жүйесінде сақтандыру мәртебесі болған жағдайда бейінді мамандарға, оның ішінде гинекологқа кеңес алуға жібереді. Осыған ұқсас, ауыр өлімге әкелетін, емделмейтін және генетикалық бұзылыстары бар балалардың туылуын болдырмау үшін хромосомалық патологияны ерте анықтауға және диагностикалауға арналған пренатальды скрининг, ұрықтың ультрадыбыстық зерттеуі де сақтандырылған мәртебе болған жағдайда беріледі.
Қазақстан Республикасында медициналық сақтандыру міндетті болып табылады, осыған байланысты жұмыс беруші Сіз үшін төленбеген кезеңге жарналар және (немесе) аударымдарды төлеуі қажет.
Егер Сіз жұмыс істемейтін болсаңыз, онда жүктілік бойынша есепке қойылғаннан кейін Сіз үшін МӘМС-ға жарналарды төлеуді мемлекет жүргізеді.
Қазақстан Республикасының «Тұрғын үй қатынастары туралы» Заңының (бұдан әрі -Заң) 71-бабына сәйкес, коммуналдық тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй беруге болатын Қазақстан Республикасының азаматтарын есепке алуды тұрғылықты жерi бойынша ауданның, облыстық маңызы бар қаланың, республикалық маңызы бар қаланың, астананың жергiлiктi атқарушы органы жүзеге асырады.
Қазақстан Республикасының «Тұрғын үй қатынастары туралы» Заңының 74-бабының 1-тармақшасына сәйкес мұқтаждар есебінде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, қажетті құжаттармен бірге өтініш берілген кезден бастап тізімде белгіленген кезек ретімен беріледі.
Осы Заңның 67-бабына сәйкес жергілікті атқарушы органдар тұрғын үй алуға мұқтаж азаматтарды бөлек тізім бойынша есепке алады:
- Ұлы Отан соғысының мүгедектері мен қатысушыларына;
- Жетiм балаларға, ата-анасының қамқорлығынсыз қалған балаларға;
-"Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналарға
-Халықтың әлеуметтiк аз қамтылған топтарына
-Мемлекеттiк қызметшiлерге, бюджеттiк ұйымдардың қызметкерлерiне, әскери қызметшiлерге, ғарышкерлікке кандидаттарға, ғарышкерлерге, арнаулы мемлекеттік орган қызметкерлеріне және мемлекеттiк сайланбалы қызмет атқаратын адамдарға;
-Жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған Қазақстан Республикасының азаматтарына.
Қазақстан Республикасының «Тұрғын үй қатынастары туралы» Заңының (бұдан әрі - Заң) 74-бабы 4-тармағына сәйкес мемлекеттік тұрғын үй қорынан тұрғын үй алуға немесе жеке меншік тұрғын үй қорынан жергілікті атқарушы орган жалдаған тұрғын үйге, Ұлы Отан соғысының мүгедектеріне және қатысушыларына, көпбалалы аналарға, жетімтер мен ата-ана қамқорлығынсыз өскен балаларға бірінші кезекте алуға кепілдік береді.
ҚазақстанРеспубликасының 2023 жылғы 21маусымдағы № 227 бұйрығы негізіндежанбасынашаққандағыорташатабысыкедейлікшегіненаспайтынҚазақстанРеспубликасыазаматтарының, қандастардың, босқындардың, шетелдіктердіңжәнеҚазақстанРеспубликасындатұрақтытұратыназаматтығыжоқадамдардыңатаулыәлеуметтіккөмекалуғақұқығы бар.