Арнаулы әлеуметтік қызметтер

Арнаулы әлеуметтік қызметтер

Арнайы әлеуметтік қызметтер медициналық-әлеуметтік мекемелер және үкіметтік емес ұйымдарда мүгедектігі бар адамдарға, оның ішінде мүгедектігі бар балаларға, жасы ұлғаюына байланысты және өмірлік қиын жағдайға тап болған адамдарға көрсетіледі.

Бүгінгі күні 8 402 адамға қызмет көрсетілді (кезекте – 156 адам, оның ішінде: «Демеу» әлеуметтік қызметтер орталығы – 60 адам, «Алатау» әлеуметтік қызметтер орталығы – 23 адам, «Шапағат» әлеуметтік қызметтер орталығы – 23 адам, ҮЕҰ – 50 адам).

Стационар жағдайында 1 405 адамға қызмет көрсетілді, оның ішінде:

325 адам – жастарының ұлғаюына байланысты өзіне-өзі қызмет көрсете алмайтын жалғызбасты адамдар («Шаңырақ» әлеуметтік қызметтер орталығы);

728 адам – психоневрологиялық аурулары бар, бірінші және екінші топтардағы 18 жастан асқан адамдар («Демеу» әлеуметтік қызметтер орталығы);

198 адам – психоневрологиялық аурулары бар, бірінші және екінші топтардағы 18 жастан асқан адамдар («Алатау» әлеуметтік қызметтер орталығы);

129 адам – психоневрологиялық патологиялары бар 3 жастан 18 жасқа дейінгі мүгедектігі бар балалар («Сенім» әлеуметтік қызметтер орталығы);

25 адам – дербес өмір сүру үйінде («GUAL» азаматтық құқықтарды қорғау орталығы).

Жартылай стационар жағдайында 2 173 адамға қызмет көрсетілді:

1 247 адам – мүгедектігі бар балалар мен 18 жастан асқан адамдар («Шапағат» ӘҚО – 458 адам, Түрксіб, Бостандық, Наурызбай аудандарының бөлімшелері; «Аяла» ӘҚО – 327 адам; «Парасат» ӘҚО – 462 мүгедектігі бар бала);

769 адам – мүгедектігі бар балалар мен 18 жастан асқан адамдар (АРДИ, «Мейірім» ҚҚ, «Аман-Ималь» ҚҚ, «Арман Алматы» ҚҚ, «Кеңес» МҚБ, «Ерзи» МҚ және басқалары)

157 адам – артериялық гипертензиясы және жеңіл дәрежедегі когнитивтік бұзылыстары бар қарт адамдар (Алматы жас дәрігерлер МҚ, «Зиялылар» ҚҚ).

Үй жағдайында– 4 453 адамға қызметтер көрсетілді, оның ішінде:

1 296 адам – мүгедектігі бар балалар мен 18 жастан асқан адамдар (әкім аппараттарының 8 аудандық жұмыспен қамту және әлеуметтік бағдарламалар бөлімдері);

3 157 адам – жалғыз тұратын зейнеткерлер мен мүгедектігі бар адамдар (әкім аппараттарының 8 аудандық қоғамдық даму бөлімдері).

Уақытша болу жағдайында – 1 325 адамға қызмет көрсетілді, оның ішінде:

877 адам – баспанасыз адамдарға, бас бостандығынан айрылу орындарынан босап шыққан және пробация қызметінде есепте тұрған адамдарға қызмет көрсететін «Пана» әлеуметтік бейімдеу орталығы;

445 адам – тұрмыстық зорлық-зомбылық құрбандарына қызмет көрсететін «Жан-Сая» дағдарыс орталығы;

3 адам – адам саудасы құрбандарына қызмет көрсететін «Аяулы халық» ҚҚ.

Жаңалықтар

Барлық жаңалық