Жиі қойылатын сұрақтар

Күзгі-қысқы жылыту маусымы кезінде негізгі міндет – қолданыстағы тұтынушыларды газбен тұрақты әрі үздіксіз қамтамасыз ету.

Газ желілеріне қосылу жұмыстары және құрылыс-монтаж үдерістері жүйедегі газ қысымына әсер етуі мүмкін. Әсіресе, жүктеме артатын кезеңде бұл газбен жабдықтаудың сенімділігіне қауіп төндіреді.

Қазақстан Республикасының «Газ және газбен жабдықтау туралы» Заңына сәйкес, газбен жабдықтау нысандарының қауіпсіз әрі сенімді жұмыс істеуі басты басымдық болып саналады. Сол себепті тұтыну көлемі ең жоғары кезеңде газ желілеріне араласу шектеледі.

Осыған байланысты жаңа абоненттерді қосу жұмыстары, әдетте, жылыту маусымы аяқталғаннан кейін жүргізіледі.

Электр желілерін энергия беруші ұйымның теңгеріміне беру Қазақстан Республикасының заңнамасына сәйкес жүзеге асырылады.

Қазақстан Республикасының «Электр энергетикасы туралы» Заңының 13-1-бабына сәйкес, электр желілері тек сол желілерге тікелей қосылған энергия беруші ұйымның теңгеріміне беріледі.

Мәселені қарау үшін қажетті құжаттар:

* электр желілері нысандарына құқық белгілейтін құжаттар;

* жобалық құжаттама;

* атқарушылық құжаттама (атқарушылық сызбалар, жасырын жұмыстар актілері, сынақтар мен өлшеулер актілері);

* нысанды пайдалануға қабылдау актісі;

* жабдықтарға техникалық паспорттар (трансформаторлар, тарату құрылғылары, кабельдік және әуе желілері және т.б.);

* теңгерімдік тиесілігін растайтын құжаттар;

* желілердің нақты техникалық жай-күйі туралы мәліметтер.

Құжаттар тапсырылғаннан кейін энергия беруші ұйым:

* нысандардың техникалық жай-күйіне талдау жүргізеді;

* қажет болған жағдайда комиссиялық тексеру ұйымдастырады;

* желілерді теңгерімге қабылдау немесе анықталған ескертулерді жою қажеттілігі туралы шешім қабылдайды.

Құқық белгілейтін құжаттар болмаса немесе қолданыстағы талаптарға сәйкессіздіктер анықталса. барлық кемшілік толық жойылғанға дейін желілерді теңгерімге қабылдау жүргізілмейді.

Жеке үйлерді, демалыс үйлерін және ұқсас нысандарды электр желілеріне қосу үшін өтінішті тұратын жері бойынша аудандық электр желілері бөліміне (РЭС) беру қажет. Сонымен қатар, өтінішті ptu.azhk.kz порталы арқылы электрондық форматта, электрондық цифрлық қолтаңба (ЭЦҚ) бар жағдайда жіберуге болады. РЭС-тің байланыс деректері «Алатау Жарық Компаниясы» АҚ (АЖК) ресми сайтында жарияланған.

Электр желілеріне қосылу рәсімі Қазақстан Республикасының заңнамасына сәйкес жүзеге асырылады:

• «Табиғи монополиялар туралы» Заң;
• Табиғи монополия субъектілерінің қызметін жүзеге асыру ережелері (Қазақстан Республикасы Ұлттық экономика министрінің 2019 жылғы 13 тамыздағы № 73 бұйрығы);
• Электр энергиясын пайдалану ережелері (Қазақстан Республикасы Энергетика министрінің 2015 жылғы 25 ақпандағы № 143 бұйрығы).

Техникалық шарттар келесі жағдайларда беріледі:

1. Жаңа немесе қайта құрылатын объектілерді қосу;
2. Тұтынылатын қуат көлемін арттыру;
3. Сыртқы электрмен қамтамасыз ету схемасын өзгерту;
4. Электрмен қамтамасыз ету сенімділік санатын өзгерту;
5. Белгіленген қуатты азайту (тұтынушының келісімімен).

Техникалық шарттарды дайындау мерзімі:

• Техникалық жағынан қарапайым объектілер — 5 жұмыс күніне дейін;
• Техникалық жағынан күрделі объектілер — 10 жұмыс күніне дейін.

Қажетті құжаттар:

• Жеке тұлғалар үшін жеке басын куәландыратын құжаттың көшірмесі;
• Жеке кәсіпкерлер мен заңды тұлғалар үшін тіркеу құжаттары;
• Ситуациялық жоспар;
• Қажетті қуатты негіздейтін есеп;
• Объектінің құқықтық құжаттарының көшірмесі;
• 5 МВт-тен жоғары қуат үшін — энергиямен қамтамасыз ету ұйымымен келісілген сыртқы электрмен қамтамасыз ету схемасы.

Өтініш беру тәртібі:

• «АЖК» АҚ Техникалық шарттар басқармасына жеке келу: Алматы қаласы, Розыбакиев көшесі, 6. Телефондар: +7 (727) 376-16-11, 376-16-51;
• Электрондық форматта: www.azhk.kz сайты арқылы («Техникалық шарттар алу» бөлімі) немесе ptu.azhk.kz порталы арқылы ЭЦҚ бар жағдайда.

Қосымша ақпарат:

• Техникалық шарттар тегін беріледі;
• Өтініш үшінші тұлғалар арқылы берілсе, нотариалды куәландырылған сенімхат және сенімді тұлғаның жеке куәлігі қажет;
• «ТУ Модулі» жүйесі үшінші тұлғалардан өтініш қабылдамайды — авторизация тек объекті иесінің ЭЦҚ арқылы жүзеге асады.

5 кВт-қа дейінгі объектілер үшін ерекшеліктер:

Жеке үйлерді, демалыс үйлерін және ұқсас нысандарды қосу үшін өтінішті тұратын жері бойынша РЭС-ке немесе ЭЦҚ арқылы онлайн беруге болады. РЭС-тің байланыс деректері АЖК ресми сайтында қолжетімді.

Қаланың сыртқы жарықтандыруын орталықтандырылған оператор ретінде ШЖҚ «Алматы Қала Жарық» МҚК қызмет көрсетеді.

Көше, жол, аула және тұрғын үй аумақтарындағы сыртқы жарық желілерінің бұзылуы немесе жарық нүктелерінің ақаулары бойынша тұрғындар тәулік бойы жұмыс істейтін диспетчерлік қызметке хабарласа алады:

• Телефон: +7 (771) 718-24-56, +7 (771) 718-24-39, 390-20-40, 390-20-60 (тәулік бойы, демалыссыз)
• Instagram: @almaty.kala.zharyk
• Facebook: Алматы Қала Жарық
• Ресми сайт: akj.kz