2021 жылы мемлекеттік қызметтер көрсету туралы ақпарат

Мемлекеттік көрсетілетін қызметтер тізіліміне сәйкес Ақтөбе облысының жергілікті атқарушы органдарымен (бұдан әрі – ЖАО) мемлекеттік қызметтердің 174 түрі көрсетіледі, оның ішінде электрондық форматта - 161.

2021 жылы барлығы 7 млн. 278 мың қызмет көрсетілді, оның ішінде электрондық форматта – 7 млн. 127 мың қызмет көрсетіліп, барлық көрсетілген қызметтердің  97,9 %  үлесін құрады (2020 жылы – 97,4%).

Ішкі бақылау

2021 жылдың қорытындысы бойынша облыстың ЖАО-мен 134 ішкі бақылау іс-шаралары өткізілді. Жүргізілген тексерулердің қорытындысы бойынша, Мемлекеттік қызмет көрсету саласындағы 3892 заңбұзушылық анықталды.

Ең көп таралған заңбұзушылықтарға:

• Мемлекеттік қызмет көрсету мерзімдерін бұзу - 211 (2020 ж. - 843)
• Құжаттар пакеті толық болмаған жағдайда мемлекеттік қызмет көрсету - 163 (2020 ж. - 1341).
• Артық құжаттарды талап ету - 377 (2020 ж. - 740).
• Мемлекеттік қызмет көрсетуден негізсіз бас тарту - 13 (2020 ж. - 6).
• Мемлекеттік қызмет көрсету сапасына шағымдану - 16 (2020 ж. - 16).
• Өзге заңбұзушылықтар - 3112 (2020 ж. - 289).

Ішкі бақылау іс – шараларының нәтижелері бойынша 242 ұсыныс берілді, оның 220-ы орындалды. 

Мемлекеттік қызмет көрсету аясында бұзушылықтарға жол берілген үшін жауапты 63 қызметкер тәртіптік жауапкершілікке тартылды, оның ішінде 12 лауазымды тұлғаға қатысты 729,3 мың теңге мөлшерінде әкімшілік айыппұл салынды.