Қазақстан Республикасының Жасанды интеллект және цифрлық даму министрлігі Телекоммуникациялар комитеті төрағасының орынбасары тағайындалды

Ринат Хурматұлы Шафигин 1983 жылғы 15 қыркүйекте Ақмола облысында дүниеге келген. 2005 жылы А. Мырзахметов атындағы Көкшетау университетін «Ақпараттық жүйелер» мамандығы бойынша тәмамдаған.

2008–2022 жылдары Қазақстан Республикасының Ұлттық қауіпсіздік комитетінде түрлі офицерлік және басшылық лауазымдарда қызмет атқарған.

2010–2022 жылдары Ұлттық қауіпсіздік комитетінің академиясында, сондай-ақ шетелде кәсіби біліктілігін арттырған.

2022–2025 жылдары «Қазақтелеком» АҚ-да ішкі қауіпсіздік және жедел іздестіру іс-шаралары жүйелерін сүйемелдеу бағытында жұмыс істеді.