Солтүстік Қазақстан облысында әкімшілік деректердің дәлдігін тексеру жұмыстары өткізілді
Әкімшілік деректердің сапасы мен шынайылығын қамтамасыз ету бойынша жоспарлы жұмыс аясында Ұлттық статистика бюросы Солтүстік Қазақстан облысында тексеру жүргізді.
Бақылау іс-шаралары Заречный, Қызылжар және Лесная ауылдық округтерінде өтті. Тексерудің мақсаты – тұрғын үйлердің саны мен олардың аумақтарын, жеке шаруашылықтардағы малдың нақты санын анықтау, сондай-ақ ЭШБЕА бағдарламалық қамтамасыз ету жүйесіндегі қате ЖСН-дерді және қайтыс болған адамдар туралы деректерді анықтау болды.
Тексеру барысында Чириковка ауылында – 39, Бәйтерек ауылында – 32, Ленинское ауылында – 15 шаруашылық қамтылды. Тексеру нәтижесінде әкімшілік деректер мен малдың нақты саны арасында алшақтықтар анықталды. Әрбір жағдай бойынша ауыл әкімдеріне тексеріс қорытындылары бойынша бұзушылықтарды жою мерзімдері көрсетілген ұсынымдармен қорытындылар тапсырылды.
Тексеруге қосымша ретінде, Бюро әкімшілік деректерді жүргізуге жауапты мемлекеттік орган өкілдері үшін оқыту семинарын ұйымдастырды. Семинарға ауылдық округ әкімдері мен бас мамандары, облыстық ауыл шаруашылығы басқармасы, ветеринариялық қызмет, аудандық бөлімшелер мен ветеринар дәрігерлер қатысты.
Семинарда мемлекеттік бақылау мәселелері, статистикалық есеп жүргізу саласындағы заңнаманы қолдану, сондай-ақ статистика органдары мен жергілікті атқарушы органдар арасындағы өзара іс-қимыл тақырыптары қозғалды. Қатысушыларға әкімшілік деректерді қалыптастырудың әдістемесі мен құқықтық аспектілері бойынша толық түсіндірме берілді.