ІІМ Басқару академиясында Қоғамдық кеңестің кезекті отырысы өтті

     13 ақпанда ІІМ Басқару академиясында Б. Макеннің төрағалығымен Қоғамдық кеңестің кезекті отырысы өтті.

     Кездесу барысында қатысушылар ведомство жұмысының негізгі бағыттарын, тергеу бөлімшелерінің қызметін және ішкі істер органдары қызметкерлерінің әрекеттеріне қатысты азаматтардың шағымдарын қарау тәжірибесін талқылады.

     Сонымен қатар, қатысушыларға экскурсия ұйымдастырылып, «Regula» аппараттық кешені, ұшқышсыз ұшу аппараттарын басқару зертханасы және олардың қосалқы бөлшектерін дайындау үдерісі таныстырылды. Отырысқа Қоғамдық кеңес мүшелері – азаматтық қоғам өкілдері мен ІІМ басшылығы қатысты.

     Күн тәртібіне 3 мәселе енгізілді:

• Ішкі істер органдары тергеу департаментінің бастығы С.Аисов сотқа дейінгі тергеп-тексеру барысында азаматтардың құқықтарын қамтамасыз ету мәселелері бойынша тергеу бөлімшелерінің қызметі туралы баяндама жасады. Баяндамада қызметтің қазіргі жағдайы, өзекті мәселелер және қабылданып жатқан шаралар қаралды.
• Құжат айналымы және азаматтардың өтініштерін бақылау департаменті бастығының міндетін атқарушы Шамкенов Ж. Т. ішкі істер органдары қызметкерлерінің әрекеттеріне қатысты азаматтардың шағымдарын қарау тәжірибесі жөнінде баяндама жасады. Баяндамада қазіргі жағдай, өзекті мәселелер және қабылданып жатқан шаралар сөз болды.

     Қоғамдық кеңес төрағасы Б.Макен 2025 жылға арналған кеңестің жұмыс қорытындысын таныстырды.

     Сонымен қатар министрдің орынбасары А.Сайтбеков ведомствоның ашықтығының маңыздылығын атап өтіп, азаматтардың полицияға деген сенімін арттыру бойынша жоспарлармен бөлісті.