2025 жылғы 15 сәуірдегі ЕЭК Техникалық реттеу, санитариялық, фитосанитариялық және ветеринариялық шараларды қолдану жөніндегі Консультативтік комитетінің қорытындылары

2025 жылғы 15 сәуірде Еуразиялық экономикалық комиссияның (ЕЭК) Техникалық реттеу жөніндегі алқа мүшесі (министр) В. Б. Татарицкийдің төрағалығымен ЕЭК Алқасы жанынан құрылған Техникалық реттеу, санитариялық, ветеринариялық және фитосанитариялық шараларды қолдану жөніндегі Консультативтік комитеттің кезекті отырысы өтті.

Отырысқа Консультативтік комитеттің мүшелері, сондай-ақ мемлекеттік билік органдарының, бизнес – қоғамдастықтардың өкілдері және Еуразиялық экономикалық одаққа (ЕАЭО) мүше мемлекеттердің тәуелсіз сарапшылары қатысты.

Консультативтік комитет Техникалық реттеу (11 сұрақ) және санитариялық, фитосанитариялық және ветеринариялық шараларды қолдану (10 сұрақ) саласындағы мәселелер спектрін қарады.

Консультативтік комитет жанындағы стандарттау жөніндегі Кіші комитеттің құрамы өзектендірілді.

Консультативтік комитет мүшелері келесі құжаттардың жобаларын мақұлдады және ЕЭК алқасының қарауына жолдады:

- «парфюмерлік – косметикалық өнімнің қауіпсіздігі туралы» Кеден одағының техникалық регламентіне (КО ТР 009/2011) 1-5 қосымшаларды өзектендіру бөлігінде өзгерістер жобасы;

– «жеке қорғаныс құралдарының қауіпсіздігі туралы» Кеден одағының техникалық регламентіне (КО ТР 019/2011) № 2 өзгерістер жобасы және ЕАЭО-ға мүше мемлекеттерде мемлекетішілік келісу нәтижелері бойынша ЕЭК Алқасының отырысында қарау үшін оған құжаттар жиынтығы.

- «техникалық құралдардың электромагниттік үйлесімділігі» Кеден одағының техникалық регламентіне мемлекетаралық стандарттарды әзірлеу жөніндегі бағдарламаның жобасы (КО ТР 020/2011);

- «парфюмерлік-косметикалық өнімнің қауіпсіздігі туралы» Кеден одағының техникалық регламентіне мемлекетаралық стандарттарды әзірлеу жөніндегі бағдарлама жобасына өзгерістер (КО ТР 009/2011);

- «Кеден одағының «ойыншықтардың қауіпсіздігі туралы» техникалық регламентінің (КО ТР 008/2011) талаптарына сәйкестігін міндетті бағалауға жататын өнімдер тізбесін бекіту туралы» ЕЭК алқасы шешімінің жобасы, оған қатысты кедендік рәсімдерге орналастыру кезінде техникалық реттеу шараларының сақталуы расталады.

Отырыс барысында техникалық регламенттерді әзірлеу жоспарына өзгерістер енгізуге қолдау көрсетілді:

- «артық қысыммен жұмыс істейтін жабдықтың қауіпсіздігі туралы» Кеден одағының техникалық регламентіне өзгерістер (КО ТР 032/2013).

- «өнімсіз жануарларға арналған жемшөп қауіпсіздігі туралы» ЕАЭО техникалық регламентінің жобасын мемлекетішілік келісу қорытындылары бойынша ЕАЭО-ға мүше мемлекеттердің шешімдерін ЕЭК-ке (2023 жылғы IV тоқсаннан 2025 жылғы III тоқсанға) ұсыну мерзімі туралы ақпаратты түзету бөлігіндегі өзгерістер.

Консультативтік комитет мүшелері «табиғи минералды суды қоса алғанда, оралған ауыз судың қауіпсіздігі туралы» ЕАЭО техникалық регламентіне (ЕАЭО ТР 044/2017) № 2 өзгерістер жобасының бірінші редакциясын дайындау барысын талқылады.

Бұл өзгерістер оны қолдану практикасын ескере отырып, техникалық регламенттің жекелеген ережелерін нақтылауға қатысты.