"Ашық НҚА" порталында тұтынушылардың құқықтарын қорғау саласындағы есептілік нысандарын бекіту туралы бұйрық жобасы жарияланды

Қазақстан Республикасы Сауда және интеграция министрлігінің Тұтынушылардың құқықтарын қорғау комитеті esep.govtec.kz платформасында есептілік нысандарын бекіту туралы бұйрық жобасын талқылауды бастады. Құжат "Ашық НҚА" порталында қоғамдық талқылау үшін жарияланды.

Бұйрық жобасы Қазақстан Республикасының "Мемлекеттік статистика туралы" Заңы және басқа да нормативтік-құқықтық актілерге сәйкес әзірленген. Оның басты мақсаты – тұтынушылардың құқықтарын қорғау саласындағы азаматтардың өтініштерін талдау процесін реттеу. Жаңа есептілік нысандары аймақтық департаменттерге мәліметтерді ай сайын ұсынуға мүмкіндік беріп, ақпараттың сапалы әрі уақытылы жиналуын қамтамасыз етеді.

Құжаттың негізгі мақсаты – азаматтардың өтініштерін мониторингтеу және талдау тиімділігін арттыру. Бұл өз кезегінде Комитетке туындаған мәселелерге жедел жауап беруге және ел аумағында тұтынушылардың құқықтарын қорғауды жақсартуға мүмкіндік береді.

Барлық мүдделі азаматтар мен бизнес өкілдерін жобаға қатысуға шақырамыз. Сіздің пікірлеріңіз бен ұсыныстарыңыз құжатты барынша тиімді әрі пайдалы етуге көмектеседі.

Жобаға қатысу сілтемесі: Ашық НҚА.