Абайдың 175 жылдық мерейтойына арналған іс-шаралар циклі Сингапурда басталды.
2020 жылғы 26 ақпанда Қазақстанның Сингапурдағы Елшілігінде «Абай Орталығы» өз есігін айқара ашты, ол қазақ диаспорасы мен Сингапурдағы шығармашылық және академиялық топтары үшін жаңа тартымды орын болуға бағытталған.
Орталық кітаптармен, портреттермен және дидактикалық материалдармен, Абай шығармаларынан алынған үзінділермен және аудио-видео материалдармен жабдықталған.
Орталықтың ресми ашылу салтанаты Қазақстан Республикасының Халық әртісі Алтынбек Қоразбаевтың қатысуымен өтті. Сондай-ақ, Абайдың өлеңдеріне жазылған музыкалық шығармалар орындалған болатын.
Елшіліктің алдағы жоспарында – әдеби кештер мен оқулар өткізу, фильмдер көрсету, акциялар, дөңгелек үстелдер мен презентациялар ұйымдастыру. Сонымен қатар, Абай Орталығының негiзiнде қазақ тілі мен ұлттық музыка сабақтарын ұйымдастыру жоспарлануда.