Астанада фортепиано музыкасының кеші өтті

Роза Бағланова атындағы «Қазақконцерт» мемлекеттік академиялық концерттік ұйымының Қазақ мемлекеттік симфониялық оркестрі көрерменге фортепиано музыкасының кешін ұсынды.

Концерттік бағдарламада Д. Шостаковичтің №2 концерті, С. Рахманиновтың таңдамалы прелюдиялары және А. Скрябиннің этюдтері орындалды.

Музыка кешінде Ресей және Башқұртстанның Халық әртісі, П. И. Чайковский атындағы және Лидстегі беделді халықаралық байқаулардың лауреаты – Владимир Овчинников, Ресейдің еңбек сіңірген әртісі, Гнесиндер атындағы Ресей музыка академиясының профессоры, беделді халықаралық конкурстардың жеңімпазы және мәртебелі «Steinway Artist» атағының иегері – Юрий Богданов өнер көрсетті.

Қазақ мемлекеттік симфониялық оркестрі 1991 жылы әлемге әйгілі скрипкашы, Қазақстан Республикасының Халық әртісі, Қазақстанның Еңбек Ері, профессор, оркестрдің көркемдік жетекшісі Айман Мұсахаджаеваның бастамасымен құрылды.

 

ҚР Мәдениет және ақпарат министрлігінің баспасөз қызметі