Тиімді менеджмент

          2025 жылғы 27-28 наурыз аралығында Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы Қарағанды облысы бойынша Мемлекеттік кірістер департаментінің базасында МКД басқармаларының, бөлімдерінің басшылары, МКД басшылары мен орынбасарлары, кеден бекеттерінің басшылары мен орынбасарлары үшін «Мемлекеттік кірістер органдарындағы тиімді менеджмент» бағдарламасы бойынша күндізгі оқыту форматында коучинг-тренинг өткізді.

       Бағдарламаның мақсаты: стратегиялық жоспарлауды, көшбасшылық қасиеттерді, өзгерістерді басқаруды және кәсіби ортада тиімді өзара іс-қимылды қоса алғанда, мемлекеттік кірістер органдары қызметкерлерінің негізгі басқарушылық құзыреттерін дамыту, бұл жұмыс сапасын арттыруды және нысаналы көрсеткіштерге қол жеткізуді қамтамасыз етеді.

       Коучинг-тренингті оқу-әдістемелік орталығының дәріскерлері Ж. М. Ислямова, А. Ж. Асылтасова, А. Мұхитқызы өткізді.

       Коучинг-тренинг аясында қатысушылар жоспарлаудың, ұйымдастырудың және бақылаудың негізгі тәсілдерімен танысты, команданы шабыттандыруға, ынталандыруға және басқаруға, коммуникацияларды дұрыс бағытта пайдалануға мүмкіндік беруді үйренді. Коучинг-тренингке қатысушылар мемлекеттік басқарудағы коучинг негіздерін, басқарудың негізгі үлгілерін талдап, тиімді коммуникация дағдыларын пысықтады.

       Коучинг-тренингке қатысушылар коучинг қағидаттарына негізделген   «5 жылдан кейін МКД көрінісі» тақырыбындағы жобаны сәтті қорғады. Өз презентациялары аясында тыңдаушылар ұзақ мерзімді мақсаттарға қол жеткізуде коучингтік тәсілдің маңыздылығын атап өтіп, дамудың стратегиялық бағыттарын ұсынды.

       Іс-шара қорытындысы бойынша қатысушылар сауалнамадан өтіп, «Мемлекеттік кірістер органдарындағы тиімді менеджмент» бағдарламасы бойынша біліктілікті арттыру туралы сертификаттар алды.