Мемлекеттік​ кірістер​ органдарындағы​ тиімді менеджмент

      10-12 қыркүйек​ аралығында​ Жетісу​ облысы​ бойынша​ Мемлекеттік​ кірістер​ департаментінде​ «Мемлекеттік​ кірістер​ органдарындағы​ тиімді менеджмент»​ тоғызыншы​ коучинг-тренингі​ өтті.

     Бағдарлама​ мамандардың​ негізгі​ басқару​ құзыреттерін​ дамытуға​ бағытталған: стратегиялық​ жоспарлау, көшбасшылық​ қасиеттер, өзгерістерді​ басқару​ және​ кәсіби​ ортада​ тиімді​ өзара​ іс-қимыл​ құру​ мүмкіндігі.

     Оқытуға МКД басқармалары мен бөлімдерінің​ басшылары, сондай-ақ МКБ​ және​ кеден​ бекеттерінің​ басшылары мен орынбасарлары​ қатысты. Қашықтағы​ бөлімшелердің​ қызметкерлері​ үшін онлайн-трансляция ұйымдастырылды, бұл​ бүкіл​ аймақтағы​ әріптестерді​ біріктіруге​ мүмкіндік​ берді.

     Тренингтің​ негізгі​ қорытындыларының​ бірі​ «5 жылдан​ кейін МКД, МКБ және К/б пайымдау»​ тақырыбындағы​ басшылардың​ жобаларын​ қорғау​ болды. Ұсынылған​ идеялар​ қызметтің​ дамуына​ стратегиялық​ көзқарасты​ және​ заманауи​ басқарушылық​ тәсілдерді​ енгізуге​ дайындығын​ көрсетті.

     Жетісу​ облысы​ бойынша МКД командасына​ іс — шараны​ сапалы​ ұйымдастырғаны​ үшін​ және​ барлық​ қатысушыларға-белсенділігі, бастамашылдығы​ және​ жаңа​ білімді​ практикада​ қолдануға​ ұмтылысы​ үшін​ ерекше​ алғыс​ білдіріледі.

    Оқыту​ өңірлік​ мемлекеттік​ кірістер​ департаменттерінің​ базасында​ күндізгі​ форматта​ өтеді​ және 2025 жылғы​ наурызда ҚР ҚМ Мемлекеттік​ кірістер​ комитеті​ іске​ қосқан​ ауқымды​ бағдарламаның​ бөлігі​ болып​ табылады.

     Мұндай​ тренингтер​ еліміздің​ бірнеше​ өңірінде​ өтіп, өзін​ кадрлық​ әлеуетті​ дамытудың​ тиімді​ құралы​ ретінде​ көрсетті. Жыл​ соңына​ дейін​ тағы​ төрт​ оқу​ бағдарламасын​ өткізу​ жоспарлануда — Алматы, Батыс​ Қазақстан, Қостанай​ және Абай облыстарында.