Меню
«Оңалту және банкроттық туралы» Қазақстан Республикасының Заң кредиторлардың талаптарын борышкер толық көлемде қанағаттандыруға қабілетсіз болған кезде туындайтын қоғамдық қатынастарды реттейді, берешекті қайта құрылымдау рәсімін, оңалту рәсімін қолдану және борышкерді банкрот деп тану, борышкерді банкроттық рәсімін қозғамай тарату үшін негіздерді белгілейді, сондай-ақ оларды жүргізу тәртібі мен шарттарын айқындайды.
«Оңалту және банкроттық туралы» Қазақстан Республикасы Заңының 53-бабының 1-тармағына сәйкес борышкердің оңалту рәсімін қолдану туралы өтініші келіп түскен кезде банкроттық туралы іске бастамашылық жасаған кредитордың келісімімен сот өтініш келіп түскеннен кейін бес жұмыс күнінен кешіктірмей банкроттық туралы іс бойынша іс жүргізуді тоқтата тұру туралы ұйғарым шығарады.
Одан әрі оңалту туралы іс қаралатын болады, банкроттық туралы іс тоқтатыла тұруға жатады.
Тиісінше, борышкердің қаржылық тұрақтылығы туралы қорытындыны борышкер сотқа өтініш бергенге дейін келісім жасасқан уақытша әкімші жасайды.
Оңалту рәсімінен банкроттық рәсіміне өткеннен кейін қойылатын талаптар тізілімін қалыптастыру Қазақстан Республикасының «Оңалту және банкроттық туралы» Заңының 90,91 және 92-баптарының ережелерімен реттеледі.
Бұл жағдайда кредиторлар талаптарының тізілімін қалыптастыру жөніндегі міндеттер банкроттықты басқарушыға жүктеледі (Заңнынң 89-бабының 3-тармағы).
Қазақстан Республикасының «Оңалту және банкроттық туралы» Заңының 27-бабының 4-тармағына сәйкес кредиторлар комитетінің өкілеттіктерін жүзеге асыру кезінде кредиторлар жиналысы кредиторлар жиналысының отырыстарын өткізу туралы хабарламаны кредиторлар комитеті үшін көзделген тәртіппен, яғни отырыс өткізілетін күнге дейін бес жұмыс күнінен кешіктірмей, пошта арқылы тапсырысты хатпен жібереді.