Қазақстан ТЖМ құтқарушылары ауқымды өрт-тактикалық оқу-жаттығулар өткізді
Төтенше жағдайлар министрліктері ұйымдастырған ауқымды өрт-тактикалық оқу-жаттығулар Қазақстанның түрлі өңірлерінде өтті. Оларға ТЖМ қызметкерлері мен басқа да қауіпсіздік қызметтерінің өкілдері қатысты. Оқу-жаттығулардың негізгі мақсаты өрттерді сөндіру тактикасын жетілдіру, қызметтер арасындағы өзара іс-қимылды пысықтау, дайындық деңгейін арттыру және әртүрлі жағдайларда өрттерді сөндіру әдістерін жетілдіру болды.
Ақмола облысында оқу-жаттығулар «Көкшетау минералды сулары» АҚ базасында жеке құрамнан 50-ден астам адам мен 15 бірлік техниканың қатысуымен өтті. Жаттығу барысында құтқарушылар өнеркәсіптік объектіде шыққан ірі өрт кезіндегі іс-қимылдарын пысықтады. Жаттығу аяқталғаннан кейін құтқарушыларға Көкшетауда ТҚО-да өрт туралы хабарлама түсті. Өрт есептоптары оқиға орнына жедел шығып, өртті қысқа мерзімде сөндірді.
Атырау облысында сауда-ойын-сауық кешенінде өрт-тактикалық оқу-жаттығулар өткізілді. Оқу-жаттығу шеңберінде балалар ойын-сауық орталығында шыққан өрт кезіндегі іс-әрекеттер, келушілер мен кәсіпкерлерді эвакуациялау, сондай-ақ өртті сөндіру пысықталды. Өрт сөндірушілер оқиға орнына қысқа мерзімде келіп, шартты өртті сәтті сөндіріп, барлық адамдарды ғимараттан эвакуациялады.
Шығыс Қазақстан облысында оқу-жаттығу сценарийіне сәйкес электр сымдарының қысқа тұйықталуына байланысты құрылыс материалдары гипермаркетінде өрт болды. Өрт есептоптары қызметкерлерді эвакуациялап, өртті сөндіруге кірісті. Гипермаркеттің екі қызметкеріне медициналық көмек қажет болды. Оқу-жаттығулар құтқарушылар мен сауда объектілерінің қызметкерлері арасындағы өзара іс-қимылды жақсартуға бағытталған.
Қызылорда облысында құтқарушылар Байқоңыр қаласындағы мейрамханалардың бірінде өртті сөндіру бойынша оқу-жаттығулар өткізді. Жаттығуға облыстық ТЖД және Ресей ТЖМ мамандандырылған өрт сөндіру бөлімінің құтқарушылары қатысты. Өрт сөндірушілердің үйлесімді әрекеттерінің арқасында өрт қысқа мерзімде сөндірілді.
Еліміздің әртүрлі өңірлерінде өткізілген өрт-тактикалық оқу-жаттығулар барлық қатысушылардың дайындық деңгейін арттыруға, қызметтердің өзара іс-қимылын жақсартуға және адамдарды құтқару және өрттерді сөндіру бойынша аса маңызды іс-қимылдарды пысықтауға мүмкіндік берді. Құтқарушылар мен объектілердің қызметкерлері кәсіпқойлық деңгейін көрсетті, бұл төтенше жағдайларда іс-қимылға дайындығын растайды. Қазақстан ТЖМ осындай оқу-жаттығуларды өрттермен тактиканы жетілдіре отырып және адамдар жаппай баратын объектілер мен өнеркәсіптік кәсіпорындарда қауіпсіздік деңгейін арттыра отырып жүргізеді.