Абайлаңыз: кене маусымы!

Жылу маусымы басталғаннан табиғат оянып қана қоймайды, сонымен қатар орман, дала және тіпті қалалық саябақтардың қауіпті тұрғындары  - иксод кенелері оянады. Қарағанды облысында олардың белсенділігі наурыз айының соңында басталады.

Неліктен қауіпті?

Кененің шағуының өзі ауырмайды, сіз оны тіпті сезбеуіңіз мүмкін. Алайда, бұл кішкентай тіршілік иелері ауыр инфекциялардың: туляремия, кене энцефалиті, Лайм ауруы (боррелиоз) және мүгедектікке әкелуі мүмкін басқа аурулардың тасымалдаушысы болып табылады.

Біздің аймақ туляремияға эндемиялы (әсіресе 21 елді мекенде). Кене энцефалитінің табиғи ошақтары тарихи түрде Абай, Бұқар жырау аудандарында және Қарағанды маңында тіркелген. Егер сіз алысқа бармасаңыз да, жақын маңдағы облыстардан инфекцияның енуіне байланысты қауіп сақталады.

Олар қайдан келеді?

Кенелер ағаштардан секірмейді, олар биік шөптерде, бұталарда, соқпақтардың бойында және саяжайларда шөптерде отырады. Сіздің үй жануарларыңыз оларды үйге жүндеріне жабыстырып әкелуі де мүмкін.

Серуендегенде өзіңізді қалай қорғауға болады?

Дұрыс таңдалған киім - сіздің басты қорғанысыңыз. Кене әрқашан төменнен жоғары қарай жорғалайды, сондықтан:

- қатты матадан жасалған киімдерді таңдау.

- көйлекті шалбарға, ал шалбарды шұлыққа салу.

- манжеттер мен жағалар денеге тығыз орналасуы керек.

- әр 15-20 минут сайын өзіңізді және жақындарыңызды тексеріңіз.

Егер кене тістеп алған болса не істеу қажет?

- Қорықпаңыз және оны күшпен жұлып алуға тырыспаңыз. Егер кене тұмсығы теріде қалса, қабыну басталады.

- Жақын жердегі жарақат алу пунктке немесе емханаға хабарласыңыз. Медицина мамандары паразитті дұрыс және қауіпсіз шығарады.

- Егер сіз оны өзіңіз алып тастасаңыз: денені ұсақтамай, оны толығымен алып тастағаныңызға көз жеткізіңіз. Дәрігерге қаралыңыз, ал кененің өзін зертханаға талдау үшін тапсырған жөн.

- Жағдайды бақылаңыз. Егер температура көтерілсе, тістеген жерде әлсіздік немесе қызару пайда болса - дереу дәрігерге қаралу қажет!

Өзіңізге және жақындарыңызға қамқорлық жасаңыз! Қарапайым алдын-алу шараларын сақтау кене шағу мен инфекцияны жұқтыру қаупін едәуір азайтуға көмектеседі.

Бұл жариянанымммен достарыңызбен бөлісіңіз, сонда олардың көктемгі серуендері қауіпсіз болады.