Абай алаңы Алматыдағы Наурыз мейрамындағы мерекелік көңіл күйдің басты орталығы болып қала береді

Бүгін Алматыдағы Абай алаңында Наурыз мерекесіне арналған қалалық іс-шаралардың жалғасы ретінде «NAURYZ LIFE» концерттік бағдарламасы өтеді.

Басталуы — сағат 18:30. Сахнада Мәдина Сәдуақасова, Шахизада, Бақыт Шадаева, Сейфуллин Жолбарыс, Абай Бегей, Жігер Ауыпбаев, Нұрсұлтан Нұрбердиев, сондай-ақ «Art Band» вокалдық-аспаптық ансамблі өнер көрсетеді.

Алдыңғы күндері Абай алаңы мерекенің негізгі алаңдарының біріне айналды. Мұнда танымал өнерпаздардың қатысуымен концерттер, «Қазақша терапия» музыкалық жобасы, сондай-ақ «Steppe Sons» және «Aldaspan» топтарының өнер көрсетуі өтті.

Алаң әртүрлі жастағы көрермендерді біріктіруде. Қала тұрғындары отбасымен және достарымен келіп, әндерге қосылып, әр өнерді бейнетаспаға түсіріп, мерекелік көңіл күйде уақыт өткізуде.