Халықаралық Қарттар күні аталып өтті — бұл мереке бізге ата-бабаларымызды құрметтеу мен қадірлеудің маңыздылығын еске салады.

Халықаралық қарттар күні аталып өтті  Халықаралық Қарттар күні аталып өтті — бұл мереке бізге ата-бабаларымызды құрметтеу мен қадірлеудің маңыздылығын еске салады. Осы кісілер өздерінің еңбегі мен адалдығы арқылы қоғамымыздың өркендеуі үшін негіз қалады. Халық даналығында айтылғандай: "Қартын сыйлаған елдің қазынасы мол". Олардың тәжірибесі мен білімі — баға жетпес даналық көзі. 1 қазан мерекесіне орай аудан әкімі Медет Ысқaқов ауылдық округтерден келген ардагерлер мен аналарға арнайы дастархан ұйымдастырды. Олар бүгін де ауданымыздың дамуына өз үлестерін қосуда. Шарада «Илигай» ансамблі мен Мәдениет үйінің "Ардагерлер хоры" өнер көрсетіп, жиналғандарға әндерін тарту етті. Аудан әкімі үлкендерімізге алғыс сөздерін арнап, олардың ел тарихындағы және болашақ ұрпақты тәрбиелеудегі баға жетпес рөлін атап өтті. Шара мейірім мен құрметке толы жылы атмосферада өтіп, қатысушылардың жүрегінде жарқын естеліктер қалдырды.