Қарауылкелді ауылында «Таза Қазақстан» бағдарламасы аясында түсіндіру жұмыстары жүргізілді

«Таза Қазақстан» республикалық экологиялық бағдарламасы аясында Қарауылкелді ауылында санитарлық тазалықты сақтау бағытында ақпараттық-түсіндіру және рейдтік іс-шаралар ұйымдастырылды.

Іс-шара барысында жеке тұрғын үй және кәсіпкерлік нысандарының иелеріне өздеріне тиесілі аумақтарды таза ұстау, қоршауларды сырлау және әктеу, коммуналдық қалдықтарды көшеге тастамау, сондай-ақ малдың қиын аула сыртына шығармау қажеттігі түсіндірілді.

Жүргізілген түсіндіру жұмыстарының нәтижесінде санитарлық талаптарды сақтамаған азаматтарға қатысты қолданыстағы заңнамаға сәйкес 162 әкімшілік хаттама рәсімделді.

Құрметті тұрғындар! Тазалық – әрқайсымыздың ортақ міндетіміз. Туған жеріміздің көркеюі мен тазалығын бірге сақтайық!