Қазақстан Республикасы Әділет министрлігі Қазақстан халқының тілдері күнін атап өтті

2025 жылғы 24 қыркүйек күні Қазақстан Республикасы Әділет министрлігі Қазақстан халқының тілдері күнін атап өтті. Іс-шараға Қазақстан Республикасы Әділет министрлігінің Аппарат басшысы Сандуғаш Ерсеитова төрағалық етті.

Іс-шараның мақсаты – Қазақстан халқының тілдері күні мерекесі шеңберінде қазақ тілінің қолданыс аясын кеңейту және оның мәртебесін арттыру, сондай-ақ ұлт ұстазы, қазақ ғылымының негізін салушы ғалым, қайраткер Ахмет Байтұрсынұлының әдеби мұрасын дәріптеу.

Іс-шараға Қазақстан Республикасы Ғылым және жоғары білім министрлігі Тіл саясаты комитетінің төрағасы Ербол Тлешов қатысты.
Аталған іс-шара Қазақстан Республикасы Әділет министрлігінің ведомстволарының, құрылымдық бөлімшелерінің және ведомстволық бағынысты ұйымдарының басшылары мен қызметкерлерінің қатысуымен өтті.

Мерекелік іс-шара барысында Қазақстан Республикасы Ғылым және жоғары білім министрлігі Тіл саясаты комитетінің төрағасы Ербол Тлешов «Ахмет Байтұрсынұлының әдеби мұрасы» тақырыбында дәріс оқып, қатысушылар өздерін қызықтырған сұрақтарға тұшымды жауаптар алды.