Көлеңкелі, Есет мемлекеттік табиғи қаумалдарына қарасты Желтау жерінен "Маңғышлақ экперименталдық ботаникалық бақ" қызметкерлерімен алынған өсімдіктер облыстық гербарий фонды толықтырды.

Негізгі ғылыми бағыттары:

жергілікті және сырттан әкелінген өсімдіктерді өсіру, жерсіндіру, олардың биологиясын, экологиясы мен физиологиясын, өсіп-өнуін, селекциясын зерттеу;
ботаникалық ілімді дамыту, оның жетістіктерін жалпы халыққа тарату;
елімізде азайып бара жатқан, жойылу қаупі төнген өсімдіктерді қолдан өсіріп көбейту, биологиялық, экологиялық ерекшеліктерін зерттеу, оларды сақтап қалудың, табиғи таралған орталықтарына қайтарудың жолдарын қарастыру;
қала, ауыл, елді мекендерді көгалдандыру;
бақ өсіру, гүлзар салу бағыттарында ғылыми-ағарту жұмыстарын жүргізу;
өсімдіктердің жаңа түрлерін іздестіру, олардың пайдалы қасиеттерін анықтап, адам қажетіне жарату;
өсімдіктер әлемін қорғау, көркейту.